Ka shanga Deilabü
Dawideibü chia, hao Jihuda yama kijinei.
Jihuda kaodak thonbüa dobü, kao deibü ki. Dawidei kho leban: haoeibü mang pendou jembü Bou to ulangbü kaoei dei lamda phatko lamda, hoba üeisanou langkei tokei maibou dogo nyenko, nangnak longbü sünga hao damanchühda.
63 1Kü Bou, no kü Bou ki; ngeibü maangpon khümboei no lamda. Ngeibü soushou ka shanga deida, ngeibü mang pendouei dei akibü, ulangbü hoba semthetbü kaonyeka ka shanga haiyeida. 2Kheijinei ngei lemshanga ka to chühangtikei, hoba kaibü hau hoba kaibü soneikangbü hapa. 3Aishanga kaibü üeisanou kho langkei tokei maibou ki, ngeibü sembungei ka nyen sanglabü. 4Kheijinei ngo lang kishongko ngei ka haükulabü; ka nyena ngeibü ik tuoklabü. 5Ngeibü soushou aei haabü shausiyung tegü senyühshemda, hoba ngeibü sembungei olinbü subüja yoa ka nyen sangda.
6Ngei kü laoboua no damenjinei, hoba nangnak longbü sünga ka shanga damanchühda. 7Aishanga no ngeibü thuibü che kikei, hoba kaibü kaak yemkaoa ngei olinbüei chia lauda. 8Ngeibü soushou ka to senetan; kaibü mae ikei ngo himlepan.
9Lausikei ngeibü langkei mautila lambü shuong kho, kaodak haüboua yanlabü. 10Haoen in to khümbo kulabü; haoen yamkabü meisiau shanga shausiyung yeitilabü. 11Lausikei Choba seneibü Bou ka olinyolabü; seneibü Bou nyen phongko theyolanyobü shuong pendouei phühenlabü, aishanga yepeibü shuongeibü sembung khonkulabü.
