Zaburi 63

63 ¹ Baba yangu, wewe ndiwe Baba yangu; nakutafuta kwa moyo wangu wote. Nafsi yangu inakuonea kiu, mwili wangu wote unakutamani, katika nchi kame na yenye uchovu isiyokuwa na maji. ² Hivyo nimekutazama katika patakatifu na kuuona uweza wako na utukufu wako. ³ Kwa kuwa upendo wako wa agano ni bora kuliko uhai, midomo yangu itakusifu. ⁴ Hivyo nitakubariki maadamu ninaishi; kwa jina lako nitainua mikono yangu. ⁵ Nafsi yangu inashiba kama kwa vyakula vinono, na kwa midomo yenye furaha kinywa changu kinakusifu.

⁶ Ninapokukumbuka kitandani mwangu, na kukutafakari katika masaa marefu ya usiku. ⁷ Kwa kuwa umekuwa msaada wangu, na katika uvuli wa mbawa zako naimba kwa furaha. ⁸ Nafsi yangu inashikamana nawe; mkono wako wa kuume unanishika imara.

⁹ Lakini wale watafutao kuangamiza uhai wangu watashuka pande za chini za nchi. ¹⁰ Watatolewa kwa upanga; watakuwa chakula cha mbweha. ¹¹ Lakini mfalme atafurahi katika Baba yetu; wote waapao kwa Baba yetu watashangilia, kwa kuwa vinywa vya waongo vitanyamazishwa.