Nineveh om Chong Kasemnu Lumik
Kra satnupa ga hung tang rwe: kapho bing ga kasennu, charut bing ga meihut mik danga pak khut nge, tuiqwa om inkhaan bing ga lat swakluga, bain namlian ga raita rwe, krwang mei ding pwan lwak satluga kalwang thou rwe, baom swak meithaan rwan ga bani kachaang kachumga ong rwe. Assyria ga, baom kadou riak ding za lwaknu sa na imba thangnu baruk mi danga ngaake; tambaan kraanmi rwan om Pa na, Ei haga ding munanu ye diga rinne.
Ani Pa na chongkhak heiya bi kabia nge 13
2 1Paang thangnupa ga nang khou hung tang rwe, Nineveh. Kanatnu inmun ding rangkaan theiyo, lampui ding barak theiyo, nang pum ding karak theiyo, nang om nat chwan khang ding khom hungro!
2Balangbe ani Pa na Jacob om ngam liannu ga, Israel om ngam liannu danga, pi han hung lat nge; atiyeda phun hung thangnu bingna bani ding za lwak sat rwe khatle bani om bakung bing ding to braan sat rwe. a a v2 Nineveh ding chong kasemnu chongdip sung bi daakka le, haom bakung chong ga, ani Pa na Baom to naan thangnu basa rwan om meng liannu ding pi han hung lat nge dinuwe.
3Baom kraanmi rwan om kapho bing ga kasennu to dum thang rwe, kanatnu mi rwan ga kasennu pwanna sin rwe; charut bing ga, bani ding cham phun thang dingnu lumik pi, mei danga bathaak nge, khatle cypress thingna chanu ten bing ga pi kaling thang rwe. 4Charut bing ga lampui bing bi baruk mina pak khut nge, bani ga kadou riak bing bi pak khut han thou nge; bani ga thaomei danne, bani ga khwa bathaaknu danga pak khut nge. 5Maanna Baom kaliannu rwan ding kou nge; bani se ongnu kaan bi ket pi basui nge; bani ga kapan khou barapka se nge, khatle rangkaan dingnu kapho ga bariak bi to daan rwe. 6Tuiqwa om inkhaan bing ga kalat swak thang rwe, khatle bain namlian ga raita rwe. 7Daan thang rwe: maan ding pwan lwak satluga kalwang thou drwe, baom swak rangaaknu rwan ga bani kachaang kachumga banphi danga pwan nge. 8Nineveh ga baom tui lwang swak ongnu tuikhun khat danga gaye. “Hanno! Hanno!” diga banina kou nge, atiyeda pakhatchanale han hung lat make. 9Tangka ding phun hungro! Kachaak ding phun hungro! Lan ga chat makka amme, baman kungnu pot chwan khang om khopsanu amme. 10Bathaang maaknu khatle lung taaknu khatle braantanuwe! Sung bing ga saan nge, kekhok bing ga son thou nge, pum chwan khang ding riangre na nam nge, khatle maimik chwan khang ga inda dian dian thou nge.
11Atun takhu krwang rwan om kabu ga, takhu krwang basa rwan basaak riak ga, takhu krwang pa le takhu krwangnu le koi ong ngaaknu khatle takhu krwang basa rwan om bariak ga, bani ding to kachi thang lang mi maaknu bariak ga atun tubo? 12Takhu krwangna baom basa rwan lang beida re thang rwe, khatle baom takhu krwangnu rwan lang sa ding karek that thang rwe; maanna baom bain bing ding sat thang sana pi tim thang rwe, khatle baom kabu bing ding re thangnu sana pi tim thang rwe.
13“Phaang ngo, Ei nang om munanu gaye,” diga tambaan la kraanmi rwan om Pa na rinne. “Eina nang om charut bing ding meina rou satluga meikhut to thanglune, khatle chemna nang om takhu krwang basa rwan ding sa satlune. Eina nang om sa ding talei ram bina kat swak satlune, khatle nang om chonglang rwan om khwan ga katei ngaisu thanglaye.”