Mi eng' bukuit

Nahum 2 FHB Father's Heart Bible™

Kiistoi 15% eng' kiy ne iale korook →
Bukuit

Saitap Lewenet ne po Nineveh

Konyonu iyestoet: long'onik che piriireen, charunee che labatiei ko uu kalyeleet, kiigook kurgeetap aineet, koluulei kootap laitoryat, kiibi koba kwonyitap laitoryat ye birei tiibiik chesirereekwak. Ki Asiria ng'etundo ne ki inyiitegei keriingennyi panyeek che tildoigei; mwaei Kwanda ne po lugosyegap kipsengwet kole kang'eetyin ineendet.

Ng'alaali Kwandanyo eng' mustari 13

Sura 2.

Kang'eetyin ne iyestoi, Nineveh. Riip irimeet, ger ooreet, ichopkei, iyum kimnateeng'ung' tugul!

Amu ko weekyi Kwandanyo telunatetap Jakobo, ko uu telunatetap Israel, ago ki kareegune che punei icheek, ak ko kang'em mooriikwak. a a v2 Agot eng' bukuit ne po lewenet agobo Nineveh, kiit ne kuulos ko Kwandanyo ne weekyini toroornatetap lagoguk che kagibir.

Long'onigap murenikyik ko ki kisal kobiriritu, kilaach murenik che nyigoonen ngoroik che piriireen; lalei charunee ko uu maat eng' peetuut ne kichopchi, ak kiwiisyei ng'otwek che po piribirinik. Labatiei charunee eng' ortinwek, chaakte koweeksei eng' oloosyek che tuwai; kergei ak kegenganik, labatiei ko uu kalyeleet. Kuure kandoikyik; koriichkei ye panda; chaakte koba koriit, ak kiinde long'eet ne riibei. Kiigook kurgeetap aineet, ak koluulei kootap laitoryat. Kilewen: kareegaksei ak kiibi koba, ye riirei tiibiik che otwogikyik ko uu cheptugenik, kobirei chesirereekwak. Nineveh ko uu pooldet ne teenyei peekyik. “Tonone! Tonone!” kiwaach, ago ma mi ne weeksei. Opun silba! Opun thahabu! Ma mi letap konoraik, abune tuguuk tugul che po kamanuutyet. Tangoita ak kuberot ak ng'emisyet! Komeyo mugulelwek, chootei kutung'oik, nam pichiindo borwek tugul, ak koleelach konyeguk tugul.

Oli nguno keriingetap ng'etuunyik, oldap amisyet ne po ng'etuunyik che meng'echen, ole kiwendi ng'etundo ak ng'etundo ne nyebuito, ak aaregap ng'etundo, ye ma mi ne iywei icheek? Ki toret ng'etundo ne nyolu aarekyik, ak koeetchi panyeek ng'etuunyikyik che nyebuitoik; ki inoot keriingonikyik panyeek, ak kebenonikyik panyeek che kagotoret.

“Keer, abargei inyee,” mwaei Kwanda ne po lugoosyek. “Abeel charunook kot koegu iyeto, ak koam rotwetap chok ng'etuunyiguk che meng'echen. Atil panyeeguk eng' ng'wony, ak kuutetap kemwaitaguk ma kegas kogeny.”