भजनसंग्रह 58 FHB Father's Heart Bible™

58 ¹हे शासकहरू हो, के तिमीहरू साँच्चै न्यायपूर्ण फैसला गर्छौ? के तिमीहरूले मानिसका सन्तानको निष्पक्ष न्याय गर्छौ? ^a a v1 “नाश नगर्नू” भनेको यो भजन जुन धुनमा गाइन्थ्यो, त्यस धुनको नाम हो। ²होइन, तिमीहरूका हृदयमा तिमीहरू अन्याय रच्छौ; तिमीहरूका हातले देशभरि हिंसा बाँड्छन्। ³दुष्टहरू गर्भदेखि नै टाढिएका हुन्छन्; तिनीहरू जन्मैदेखि झूट बोल्दै बरालिन्छन्। ⁴तिनीहरूको विष सर्पको विषजस्तै छ, आफ्नो कान थुन्ने बहिरो गोमनजस्तै, ⁵ताकि त्यसले सपेराहरूको आवाज, अथवा चतुर जादूगरको आवाज नसुनोस्। ⁶हे हाम्रा पिता, तिनीहरूका मुखका दाँत भाँचिदिनुहोस्; हे हाम्रा पिता, ती जवान सिंहहरूका दाह्रा उखेलिदिनुहोस्! ⁷बगेर जाने पानीझैँ तिनीहरू लोप होऊन्; हाम्रा पिताले आफ्ना काँडहरू ताक्नुहुँदा, तिनीहरू काटिऊन्। ⁸हिँड्दाहिँड्दै गलेर जाने शङ्खेकीराझैँ, घाम कहिल्यै नदेख्ने मृत जन्मेको बालकझैँ तिनीहरू होऊन्। ⁹तिमीहरूका भाँडाहरूले काँडाको तातो महसुस गर्नुअघि नै, हरिया होऊन् वा बलिरहेका, उहाँले तिनीहरूलाई बढारिदिनुहुनेछ। ¹⁰धर्मीहरू न्याय भएको देख्दा आनन्दित हुनेछन्; तिनीहरूले आफ्ना पाउ दुष्टहरूको रगतमा धुनेछन्। ¹¹अनि मानिसहरूले भन्नेछन्, “निश्चय नै धर्मीहरूका निम्ति इनाम छ; निश्चय नै हाम्रा पिताले पृथ्वीको न्याय गर्नुहुन्छ।”