ክፉኣት ኣሕሉቕ
ንመራሕ መዘምራን፤ በ“ኣይተጥፍእ” ዜማ ዝዝመር። ናይ ዳዊት። ወርቃዊ መዝሙር።
ኣብ ልዕሊ እቶም ካብ መንበር ፍርዲ ግፍዒ ዘውፅኡ ፈረድቲ ዝቐርብ ክሲ። ከም ተመን መርዛማት፥ ድምፂ መሳሕር ዝኣበየ ፀማም መንደላይ ተመን ተባሂሎም። እቲ ፀሎት ኣስናኖም ክስበር ይልምን፥ ሰባት ኣቦና ንምድሪ ኸም ዝፈርዳ ኣግሂዶም ምእንቲ ኽብሉ።
58 1ኣቱም ኣሕሉቕ፥ ብሓቂ ቅኑዕ ነገር ትእዝዙዶ? ንደቂ ሰብከ ብቕንዕና ትፈርዱዶ? a a v1 “ኣይተጥፍእ” ዝብል፥ ስም እቲ እዝ መዝሙር እዙይ ዝዝመረሉ ዝነበረ ዜማ እዩ። 2ኣይፋሉን፥ ብልብኹም ዓመፅ ትሓስቡ፤ ኣእዳውኩም ድማ ኣብ ምድሪ ግፍዒ ይገብራ። 3እቶም ክፉኣት ካብ ማህፀን ተፈልዮም እዮም፤ ካብ ምውላዶም ይስሕቱ፥ ሓሶት ይዛረቡ። 4ሕንዞም ከም ሕንዚ ተመን እዩ፤ ከምቲ እዝኑ ዝዓፀወ ፀማም መንደላይ ተመን፥ 5ድምፂ ኣስሓርቲ ከይሰምዕ፥ ወይ ድማ ድምፂ እቲ ጐራሕ መሳሕር። 6ኦ ኣቦና፥ ነቲ ኣብ ኣፎም ዘሎ ኣስናን ስበሮ፤ ኦ ኣቦና፥ ኣስናን እቶም ናእሽቱ ኣናብስ ንቀሎ! 7ከምቲ ዝውሕዝ ማይ ይጥፍኡ፤ ኣቦና ፍላፃታት ምስ ኣቕንዐ፥ ይቑረፁ። 8ከምቲ እናተንቀሳቐሰ ዝመክኽ ቀንሸሎ፥ ከምቲ ንፀሓይ ከቶ ዘይረአ ብምዉቱ ዝተወልደ ህፃን። 9ድስትታትኩም ረስኒ እሾዅ ከይተፈለጠን ከሎ፥ ጥረ ይኹን ወይ ዝቃፀል፥ ክፅርጎም እዩ። 10ፃድቕ ፍትሒ ምስ ረአየ ክሕጐስ እዩ፤ ኣእጋሩ ኣብ ደም ክፉኣት ክሕፅብ እዩ። 11ሰባት ድማ ከምዙይ ክብሉ እዮም፦ “ብሓቂ ንፃድቕ ዓስቢ ኣሎ፤ ብሓቂ ንምድሪ ዝፈርድ ኣቦና እዩ።”
