Zaburi 58

58 ¹ Je, kweli mnaamua yaliyo haki, enyi watawala? Je, mnawahukumu wanadamu kwa haki? ^a a v1 "Usiharibu" ni jina la wimbo ambao zaburi hii iliimbwa kwa mtindo wake. ² La, mioyoni mwenu mnabuni maovu; mikono yenu inaeneza jeuri katika nchi. ³ Waovu wamepotoka tangu tumboni; wamepotea tangu kuzaliwa, wakisema uongo. ⁴ Sumu yao ni kama sumu ya nyoka, kama fira kiziwi azibaye sikio lake, ⁵ asije akaisikia sauti ya waaguzi wala ya mchawi mwenye ujanja. ⁶ Ee Baba yetu, vunja meno vinywani mwao; ng'oa meno makali ya wana simba, Baba yetu! ⁷ Na watoweke kama maji yapitayo; Baba yetu aelekezapo mishale yake, na wakatike. ⁸ Kama konokono ayeyukaye aendapo, kama mtoto aliyezaliwa mfu asiyeliona jua. ⁹ Kabla vyungu vyenu havijahisi joto la miiba, ikiwa mibichi au inayowaka, atawafagilia mbali. ¹⁰ Wenye haki watafurahi watakapoona hukumu ikitendeka; wataosha miguu yao katika damu ya waovu. ¹¹ Nao watu watasema, "Hakika kuna thawabu kwa wenye haki; hakika Baba yetu anaihukumu dunia."