መዝሙር 58

58 ¹እናንተ ገዦች ሆይ፤ በእርግጥ ትክክለኛውን ትፈርዳላችሁን? የሰውን ልጆች በቅንነት ትዳኛላችሁን? ^a a v1 “አታጥፋ” ይህ መዝሙር ይዘመርበት የነበረው የዜማ ስም ነው። ²አይደለም፤ በልባችሁ ዐመፅን ታውጠነጥናላችሁ፤ እጆቻችሁ በምድር ላይ ዐመፅን ያከፋፍላሉ። ³ክፉዎች ከማኅፀን ጀምሮ የተለዩ ናቸው፤ ከተወለዱበት ጀምሮ እየተሳሳቱ ውሸትን ይናገራሉ። ⁴መርዛቸው እንደ እባብ መርዝ ነው፤ ጆሮውን እንደሚደፍን እንደ ደንቆሮ እፉኝት ነው፤ ⁵ይኸውም የአስማተኞችን ድምፅ፣ የብልጥ ጠንቋይንም ድምፅ እንዳይሰማ ነው። ⁶አባታችን ሆይ፤ በአፋቸው ያሉትን ጥርሶች ስበር፤ አባታችን ሆይ፤ የወጣት አንበሶችን መንጋጋ ጥርስ ንቀል! ⁷እንደሚፈስ ውሃ ይጥፉ፤ አባታችን ፍላጻዎቹን ሲያነጣጥር ይቈረጡ። ⁸ሲንቀሳቀስ እንደሚመሽ ቀንድ አውጣ፣ ፀሐይን እንደማያይ ጨንግፎ እንደተወለደ ሕፃን ይሁኑ። ⁹ማሰሮዎቻችሁ የእሾኹን ሙቀት ሳያውቁ፣ ልምሉም ቢሆኑም የነደዱም ቢሆኑ፣ እርሱ ጠራርጎ ያስወግዳቸዋል። ¹⁰ጻድቃን ፍርድ ሲፈጸም አይተው ደስ ይላቸዋል፤ እግሮቻቸውን በክፉዎች ደም ውስጥ ይታጠባሉ። ¹¹ሰዎችም፣ “በእርግጥ ለጻድቃን ዋጋ አለ፤ በእርግጥ አባታችን ምድርን ይዳኛል” ይላሉ።