Makhayā Khamungabing
Laa masotbingwui akhavāli: 'Masāshimānlu' laa athishurda. Davidwui laa. Sinā laa.
Bichar pamkhong eina ngayai kasā bichar sākhamebingli ngahongkhami. Athumli phara̱wui hu kala laa mashākhamiwui mashā maleikhami leijanākhok thāda hāngmi. Athumwui hā sātekmihaolu da seihā sai, chieina ithumwui Avāna okathuili bichar sai da mibingna tangkhamāng hāngranu.
58 1O khamungabing, kachangkhat nathumna khamashung mi tāzak tārak sāla? Mibingwui naomayara ngarāli mashun eina bichar sāla? a a v1 'Masāshimānlu' hi laa hi kasālak laa khonwui minga. 2Mha, nathumwui ningli nathumna khayonkhamāng phaninga; nathumwui pāngna ngaleili khangama̱ khangazaina pemtingmi. 3Makhayābing chi naopamwui eina midhar thāngasakhaira; athumna pharā tharan eina zatkhangaili zatta, kakapik hānga. 4Athumwui hu chi phara̱wui hu thāda mānga, akhanā kafakham khangakhok phara̱yur thāda, 5chieina charfabingwui khon, lah mitrang laivā kathemwui khon a mashāmara. 6O ithumwui Avā, athumwui khamorli ahā chi sātekmilu; kazingkha̱naobingwui hu chi katatmilu, ithumwui Avā! 7Tara̱ ngayaovai kahai thāda athum shimānhaoranu; ithumwui Avāna awui malā thāda kāp tharan, athum sha̱sang ngasakhaoranu. 8Kazat akhana zatvai eina khameng kahai thāda, kala kachāng mapeila pharātā, zimik matheilak kaje thāda athum ngasāranu. 9Nathumwui hambing chi ka̱shātwui kasā nganingranglakha eina, athum thingra̱ zatlala lah meina kachuilala, ana athumli kashamhaora. 10Khamashung khangarong mibingna mashun sākahai theida ringphāra; athumna athumwui pheila makhayāwui ashee eina ra̱vaira. 11Kala mibingna hāngra, "Kachangkhat khamashung khangarong mibingwui vang sāman lei; kachangkhat ithumwui Avāna okathuili bichar sāra."
