Kürüzü krütako
Tsale kekhayo kezhoo ce: 'Dokhrivahi' zithi tsalelü thisü. David kezho. Suna chele.
Hio kematho kemezimi, bee cejü mütülü murimu küyimi ce jüzo. Uko therü thi, niji tenhi tenhi cü kezho renyi kemo bi po. Prayi hi uko huko dochu yi phu zo, süsa thümae ha Po cejü müjo thiyo kerekri po yi ketola.
58 1Neko krütako, kematho kemezio süküti nhasü po süve me? Neko thüma nuneko kükremi po müjo thiyive me? a a v1 'Dokhrivahi' zithi hio chele kezü tsale chode zo. 2Mo, neko melü lü mha kesuko medo thiyo; neko bee cejü mütülü murimu küyila. 3Kürüzüko nobu lüno kha küsü kürhüh lü tayo; uko menu kümüzhelüno vajo tayo, mhakesu poyo. 4Uko therü sü tenhi therü bi zo, uni kene khipü niji tenhi bi, 5süo pü tenhi cü kezhoko füphrao se kemola, mori do kerü bade cü küvemi füphra sheri. 6Apoo, uko talü huko dochu vate; losha khresako huko phrüh düvate, ha Po! 7Dzü khrizü ketao bi uko di tahite; ha Po-e pü tsaküthiko khi küba lize, uko müzü sühite. 8Pra kezü lü ketala zho küba kezhümi bi, sazü kemenu nupü bi, pü nace tasü kengo kemopü. 9Neko potsa thori me kethio se kengo lho mo tüce, kekre sheri me kütsa sheri, Pue süko zu tatato. 10Kematho kemezimi nenü tato, uko kemezi thisü ngo lize; uko phezi kürüzüko za lü mhüzüyito. 11Süsa thümae posüto, “Kematho kemezimi ce zhokhro ba kethozo; ha Po-e cejü müjo thiyo kethozo.”
