Amaibü Bunyu Shuong
Chia atbü ikjaibou shanga: “Mautijan” loei aeto. Dawideibü. Honeibü chia che.
Matjema ik shatyobü matjembou shuong khulimbo ngüh ki. Haoen kom lam, piyang lam shona lam, pinyueibü kom lamleabü piyang kaangbü dogo lauda. Welaubü kho haoeneibü hauh leilutikushi dogo lamda, khünei müteikei seneibü Bouei kaodak matjemda dogo chongchingko laulabü.
58 1O bunyu shuong, kanei maimaitham saopobü ngüh lauda lo? Kanei müteibü shousi shuong to ngühmaanglanko matjemla lo? a a v1 “Mautijan” kho ho chia atbü loeibü nyen ki. 2Aeiko, kanei kaneibü maangpona shedbü maangli maangsang kümda; kaneibü ikei kaodak ka ik shatyobü shenda. 3Amaibü shuong kho na setshanga jaüan yenbou tegü ki; haoen bukbü jaüan ayinglam to hauko, amlangbü lauda. 4Haoeneibü kom kho pinyueibü kom kaangbü, haoeibü nou khinkubü obangbü piyang kaangbü ki, 5khei haoei ngüh thonbü laubü shuongeibü ngüh, ayingsi lepeilangeibü maangsang kümbou ngüh adittila shanga. 6O seneibü Abou, haoeneibü sembunga kibü hauh leilutikushi; younak molosaonyueibü hauh kho sungenashi, seneibü Abou! 7Haoen satbü dei kaangbü abangti yingshi; seneibü Bouei haoeibü laujin khi aeto semjinei, haoen wapan apti yingshi. 8Shimungei satbü yangsikok paijinei thopjung ngaibü kaangbü, sao haibü nashou che kaangbü, aoei chanyu ladangkei ahaplabü. 9Kaneibü chak jakeibü au ahapla ütjinei, shomenbü yingsikei juokbü yingsikei, haoei haoen lemailela kuan aplabü. 10Saopobü shuong olinyolabü, haoenei ngühmai kümbü hapjinei; haoenei jembü you amaibü shuongeibü sii ka maklabü. 11Hoba müt shuongei laulabü, “Maimaitham saopobü müt shanga jongsak ki; maimaitham seneibü Bouei kaodak to matjemla.”
