Abategetsi b’ababisha
Ku mukuru w’abaririmvyi: biririmbwa ku rwimbo rwitwa “Ntuhonye.” Iya Dawidi. Zaburi ya zahabu.
Ikirego ku bacamanza bagaba ubukazi bicaye ku ntebe y'intahe. Bitwa abafise ubumara, ibipfamatwi nk'inzoka y'impoma yanka kwumva ijwi ry'uwuyihendahenda. Isengesho risaba ko amenyo yabo avunagurwa, kugira abantu bavuge beruye bati Data wacu ni we acira isi urubanza.
58 1Mbega vy’ukuri muca urubanza rugororotse, mwa bategetsi mwe? Mbega muca urubanza rw’abana b’abantu mu budatonganya? a a v1 “Ntuhonye” ni izina ry’indirimbo iyi Zaburi yaririmbirwako. 2Oya, mu mitima yanyu mugira imigambi mibi; amaboko yanyu akwiragiza urugomo mu gihugu. 3Ababisha baratandukanye n’inzira kuva mu nda; barayobera kuva bavutse, bavuga ibinyoma. 4Uburozi bwabo bumeze nk’uburozi bw’inzoka, nk’incira itumva yiziba ugutwi kwayo, 5kugira ngo ntiyumve ijwi ry’abarogi canke iry’umupfumu w’umuhanga. 6Ewe Data wa twese, menagura amenyo mu kanwa kabo; rungurura amenyo y’intambwe z’abana, Data wa twese! 7Nibazimangane nk’amazi atemba akagenda; igihe Data wa twese arasha imyampi yiwe, nibacibwe burundu. 8Nk’ikinyamusozi gishonga uko kigenda, nk’umwana yavukanye apfuye 9Imbere y’uko inkono zanyu zumva ubushuhe bw’amahwa, yaba amabisi canke ayariko araka, azobakwiragiza. 10Abagororotsi bazonezerwa igihe babonye ubutungane bwashitse; bazokaraba ibirenge vyabo mu maraso y’ababisha. 11Maze abantu bazovuga bati: “Ni ukuri hari impembo ku bagororotsi; ni ukuri Data wa twese araca urubanza rw’isi.”
