Mi eng' bukuit

Tyenwogigap Kalasunet 58 FHB Father's Heart Bible™

Kiistoi 15% eng' kiy ne iale korook →
Bukuit

Kiptainik che Yaacheen

Agobo kiptaiyatap musik: ketyen ko uu “Amat Ing'em.” Ne po Daudi. Tyeni ne po thahabu.

Ng'olyoot agobo kirwoogindet che yaei koroomnateet eng' ng'echereetap kirwooget. Keleenji icheek kole ng'wonennywa ko uu ng'wonetap ereneet, ko uu erenet ne miing'at ne ngelei iitinyi si ma kogas kutitap charunee. Soomei saaet kole keir kelegwak, si komwa piik komyee kole irwookyin Kwandanyo ng'wony.

Sura 58.

Tos oyae iman ng'atuutyet ne nyolu, okweek kiptainik? Tos orwookyin lagogap chii eng' imanda? a a v1 “Amat Ing'em” ko kainetap musi ne ki kityenjin tyenini. Acha, oyae okweek yaityo eng' mugulelwekwok; yaei eunekwok koroomnateet eng' emet. Istoegei kiptengeginik kong'etee moet; kobetote kong'etee sigeet, kong'alaali lembenik. Ng'wonennywa ko uu ng'wonetap ereneet, ko uu erenook ne miing'at ne koger iititnyi, si ma kogas kutitap charunee, anan ko po charunee ne ng'om. Ee Kwandanyo, iir kelek che mi kutusweekwak; luul kelegap ng'etuunyik che mengech, Kwandanyo! Ingopet icheek ko uu peek che mweei; ye imwoge Kwandanyo tabanwekyik, ingotiloti icheek. Ko uu tyong'indet ne chootei ye wendi, ko uu lakweet ne kagome ne ma koger asiista koigeny. Kotom konam tereenikwok laletap katook, ngo tuon ngo lalei, kowong'u icheek. Boiboitu piik che po iman ye kogeer kirwoogutik; kouungei keelyekwak eng' korotiigap kiptengeginik. Ak kole piik, “Iman mi melekto agobo che po iman; iman irwookyin Kwandanyo ng'wony.”