Golti Lagai Diya Ekjon Aru Ahhise
Golti lagai diya ekjon aru wapas ahe aru amar Pitri dusra mar dibole dei: matha pora theng tak ghao. Job laga maiki tai ke Isor ke shrap dibi aru moribi koi; tai namane, aru dukh tu tai laga laik ase koi kene bhi bhan nakore. Tinjon sathi ahe, nijor kapra phati diye, aru tai logot sat din chup kori bohi thake.
2 1Aru ekdin eneka hoise, jitia sorgo laga sabha te thaka khan amar Pitri usor te nijor ke dikhai dibole ahhise, aru golti lagai diya ekjon bhi tarkhan laga majot te Tar usor te nijor ke dikhai dibole ahhise.
2Amar Pitri pora golti lagai diya ekjon ke koise, “Tumi kot pora ahhise?” Golti lagai diya ekjon pora Tar ke jawab dise, “Prithibi te ephale-uphale ghuri thaki kene, aru etu uporte age-piche bera kene ahhise.”
3Amar Pitri pora golti lagai diya ekjon ke koise, “Tumi moi laga nokor Job ke bhabi saise na? Prithibi te tar nisena kun bhi nai—ekjon eku golti nathaka aru sidha manuh, kun Isor ke bhoi kore aru biya pora dur hoi jai. Tumi bina karone tar ke khotom koribole moi ke tar bhirodh te uksai dise, hoilebi tai etiya bhi nijor imandari ke takot pora dhori ase.”
4Golti lagai diya ekjon pora amar Pitri ke jawab dise, “Chamra karne chamra! Ekjon manuh pora nijor jibon karne tar logot te thaka sob dibo. 5Kintu etiya Apuni laga hath lamba kori kene tar laga har aru tar laga gau-mangso ke mari dibi, titia hosa pora tai Apuni laga mukh samne te Apuni ke shrap dibo.”
6Amar Pitri pora golti lagai diya ekjon ke koise, “Thik ase, tai tumi laga hath te ase; khali tar jibon ke chari dibi.”
7Titia golti lagai diya ekjon amar Pitri laga usor pora ulai jaise, aru Job ke tar bhori laga tol pora tar matha laga uporte tak dukh diya ghau pora mari dise. 8Aru Job pora bhanga mati-bartan laga ekta tukra loi kene, chai laga majot te bohi thaki kene nijor gau ke ghohise. 9Titia tar maiki pora tar ke koise, “Tumi etiya bhi nijor imandari ke dhori ase na? Isor ke shrap di kene mori jabi!” a a v9 Job laga maiki yate “Isor” koise, “Pitri” nohoi—eitu dur te thaka kotha-bola laga chalan ase, juntu te etu kitab laga kotha-kati khan thakibo, jitia tak Job pora amar Pitri ke mukh-a-mukh lok nakore.
10Kintu tai pora tai ke koise, “Tumi ekjon murkho maiki nisena kotha koi ase. Ami Isor pora bhal pabo, aru dukh napabo naki?” Etu sob te Job pora nijor mukh pora paap kora nai.
Tinjon Sathi Usor Te Ahhise
11Jitia Job laga tinjon sathi pora tar uporte aha etu sob dukh laga khobor hunise, tarkhan ekjon-ekjon nijor ghor pora ahhise—Teman manuh Eliphaz, Shuah manuh Bildad, aru Naamath manuh Zophar. Tarkhan tar logot te morom dikhai dibole aru tar ke mon aram dibole ekmot hoi kene ahhise. 12Jitia tarkhan pora dur pora tar ke dikhise, tarkhan pora tar ke chini bo para nai. Tarkhan pora awaj uthai kene kandise, aru ekjon-ekjon nijor kapra phati kene, sorgo phale nijor matha uporte dhuli chitikai dise. 13Tarkhan pora tar logot te matite sat din aru sat rati bohi thakise, aru kun bhi tar ke ekta kotha bhi kowa nai, kilemane tar laga dukh bisi dangor ase koi kene tarkhan pora dikhise.