Dukhiya khan ke Luteri Kora Niyom khan
Assyria amar Pitri laga haath te thaka lathi ase aru tai etu najane — ekta kural jun pora tai ke chalai thaka jon uporte phutani kore — etu nimite saman laga ghomand ke bhi bichar kora hobo. Ahi thaka dushman laga rasta ek gaon pora dusra gaon tak dikhai di ase, jitia tak tai Jerusalem phale nijor laga mutha hilai.
10 1Anyay niyom khan bona manuh khan ke hai, zulum kora kanun khan likha manuh khan ke hai, 2gorib khan ke nyay pora bonchit kori bole, aru moi laga manuh majote thaka dukhiya khan laga hok khan lut kori bole, bidhowa khan ke tarkhan laga lut bonai, aru anath khan ke tarkhan laga shikar bonai. 3Hisab laga din te tumikhan ki koribo, jitia dur pora binash ahibo? Modot karne tumikhan kun logote polai jabo? Tumikhan laga dhun kot te rakhibo? 4Bandi kori luwa khan majote khundi boha, nohole morise manuh khan majote giri ja — eitu he baki ase. Eneka hoilebi Tar khong etiya bhi wapas huwa nai; Tar hath etiya bhi uthai kene ase.
Assyria, Tar Hath te Thaka Dondo
5“Assyria ke hai, moi laga khong laga dondo, jun laga hath te moi laga gusa laga lathi ase! 6Isor ke namani ekta desh laga bhirodh te Moi tar ke pathai ase; moi laga gusa laga manuh khan laga bhirodh te Moi tar ke hukum di ase, lut-maal dhori bole aru lut kori loijabole, rasta laga kadu nisina tarkhan ke theki dibole.”
7Kintu tar mon te eneka bhabona nai; tar mon te eneka bhabi thaka nai. Tar mon to khali nasto kori bole ase, ekta pichete ekta desh khan ke kati phelabole. 8Kilemane tai koi ase, “Moi laga sob senapati khan to raja khan nohoi naki? 9Calno to Carchemish nisina nohoi naki? Hamath to Arpad nisina nohoi naki? Samaria to Damascus nisina nohoi naki? 10Jineka moi laga hath pora rajyo khan ke dhorise — murti khan laga rajyo, jun khan laga khodai kora murti khan Jerusalem aru Samaria laga pora bhi dangor thakise, 11Samaria aru tar murti khan ke Moi jineka korise, tineka Jerusalem aru tar murti khan ke bhi Moi nakoribo naki?”
12Jitia Sob uporte thaka Pitri pora Zion Phahar aru Jerusalem laga bhirodh te Tar sob kaam khotom koribo, titia Moi Assyria laga raja laga phutani mon laga phol aru tar suku laga ghomond ke saja dibo.
13Kilemane tai koi ase: “Moi laga hath laga takot pora Moi eitu korise, aru moi laga gyaan pora, kilemane moi te buddhi ase. Moi manuh khan laga simana khan hatai dise aru tarkhan laga dhun-sompotti lut korise; bolwan ekjon nisina, sinhason te boha khan ke Moi nichete namai dise. 14Chiriya laga ghor te hath joraikena nisina, moi laga hath manuh khan laga dhun te joraise; jineka kunba chari diya dim khan joma kore, tineka Moi gnuru prithibi joma korise. Ekta bhi pakha marise nai, nohole matibole nijor thunti khulise nai. 15Kurhi pora tai ke chola manuh uporte nijor ke dangor kore naki? Kati-luha pora tai ke cholawa manuh laga bhirodh te phutani kore naki? Jineka ekta lathi pora tai ke uthuwa manuh ke halai, nohole ekta dondo pora khuri nathaka jinis ke uthai — eneka to hobo napare!” 16Etu karone Sob uporte thaka Pitri, sorgo laga sena-dol laga Pitri pora, tar takot thaka sipahi khan majote ekta gaw sukhai diya bemar pathabo, aru tar mohima laga nichete jui jolia nisina ekta jui lagi jabo. 17Israel laga Puhor ekta jui hoi jabo, amar Pobitro Jon jolia jui hobo; ekdinte he tar kata aru kata-ghas khan ke jolai kene khotom koribo. 18Tar jongol laga mohima aru tar bhal kheti ke, atma aru gaw duita ke, amar Pitri pora nasto koribo; eitu ekjon bemari manuh sukhi juwa nisina hobo. 19Tar jongol te baki thaka ghas-gash khan eneka olop hobo je ekta bacha pora bhi ginti kori bole paribo.
Aru Ekbar amar Pitri Uporte Bhorosa Kora
20Etu din te Israel laga bachi juwa khan aru Jacob laga ghor laga bachi thaka khan, tarkhan ke mara jon uporte aru kitia bhi bhorosa nakoribo, kintu hosa pora amar Pitri, Israel laga Pobitro Jon uporte bhorosa koribo. 21Bachi juwa khan wapas ahibo — Jacob laga bachi juwa khan — Mohan Isor logote. 22Tumi laga manuh Israel samundar laga balu nisina hoilebi, khali bachi juwa khan he wapas ahibo. Binash hukum kori dise, dharmikota pora bhorta hoi kene. 23Kilemane Sob uporte thaka Pitri, sorgo laga sena-dol laga Pitri pora, hukum kori diya binash tu gnuru desh te pura koribo.
24Etu karone Sob uporte thaka Pitri, sorgo laga sena-dol laga Pitri pora koi ase: “Zion te thaka moi laga manuh khan, Assyria ke bhoi nakoribi, jun pora tumikhan ke dondo pora marise aru tumikhan laga bhirodh te lathi uthaise, jineka Egypt pora korise. 25Kilemane bisi olop homoi pichete moi laga gusa khotom hobo, aru moi laga khong tarkhan laga binash phale ghuri jabo.” 26Sorgo laga sena-dol laga Pitri pora tarkhan laga bhirodh te ekta chabuk halabo, jineka Oreb laga pathor te Tai Midian ke marise; Tai samundar uporte Tar lathi uthabo, jineka Tai Egypt te korise. a a v26 Oreb laga pathor to jun jagate Gideon laga sipahi khan pora Midian laga senapati khan ke morai dise (Judges 7:25). 27Etu din te tarkhan laga boja tumi laga kandha pora hatai dibo, tarkhan laga juwali tumi laga gola pora; juwali tu bhangi jabo.
28Tai Aiath laga bhirodh te ahise, Migron para paar hoise, Michmash te tar saman khan rakhise. 29Tarkhan ghat paar hoise: “Ami Geba te tambu lagabo.” Ramah kapi ase; Saul laga Gibeah polai ase. 30Hala kori kandibi, Gallim laga chokri! Huni lobi, Laishah! Dukhiya Anathoth! 31Madmenah polai ase; Gebim laga manuh khan nijor ke lukai ase. 32Aji etu din te tai Nob te rukhi ase, Zion laga chokri laga phahar phale tar hath-mutti hilai ase, Jerusalem laga tila phale. 33Sabi, Sob uporte thaka Pitri, sorgo laga sena-dol laga Pitri pora, bhoi lagi bole takot pora daal khan ke kati phelabo; sob se ucha ghas-gash khan ke girai dibo, aru untcha khan ke niche kori dibo. 34Tai kurhi pora jongol laga ghana jaga khan ke kati dibo, aru Lebanon to Maha-mohima Jon laga age te giri jabo.