ಕೀರ್ತನೆಗಳು 23 FHB Father's Heart Bible™

23 ¹ನನ್ನ ತಂದೆಯೇ ನನ್ನ ಕುರಿಗಾಹಿ; ನನಗೆ ಯಾವ ಕೊರತೆಯೂ ಇಲ್ಲ. ²ಹಸಿರಾದ ಹುಲ್ಲುಗಾವಲುಗಳಲ್ಲಿ ಅವರು ನನ್ನನ್ನು ಮಲಗಿಸುತ್ತಾರೆ; ಪ್ರಶಾಂತವಾದ ನೀರಿನ ಬಳಿಗೆ ಅವರು ನನ್ನನ್ನು ನಡೆಸುತ್ತಾರೆ. ³ಅವರು ನನ್ನ ಪ್ರಾಣವನ್ನು ಚೈತನ್ಯಗೊಳಿಸುತ್ತಾರೆ; ತಮ್ಮ ಹೆಸರಿನ ನಿಮಿತ್ತ ನ್ಯಾಯನೀತಿಯ ಮಾರ್ಗಗಳಲ್ಲಿ ಅವರು ನನ್ನನ್ನು ನಡೆಸುತ್ತಾರೆ. ⁴ಮರಣದ ನೆರಳಿನ ಕಣಿವೆಯಲ್ಲಿ ನಾನು ನಡೆದರೂ, ನೀವು ನನ್ನ ಸಂಗಡ ಇರುವುದರಿಂದ ಯಾವ ಕೇಡಿಗೂ ಹೆದರೆನು; ನಿಮ್ಮ ದೊಣ್ಣೆಯೂ ನಿಮ್ಮ ಕೋಲೂ ನನಗೆ ಸಮಾಧಾನ ನೀಡುತ್ತವೆ. ⁵ನನ್ನ ಶತ್ರುಗಳ ಸಮ್ಮುಖದಲ್ಲಿ ನೀವು ನನ್ನ ಮುಂದೆ ಒಂದು ಮೇಜನ್ನು ಸಿದ್ಧಪಡಿಸುತ್ತೀರಿ; ಎಣ್ಣೆಯಿಂದ ನನ್ನ ತಲೆಯನ್ನು ಅಭಿಷೇಕಿಸುತ್ತೀರಿ; ನನ್ನ ಪಾನಪಾತ್ರೆ ತುಂಬಿ ತುಳುಕುತ್ತದೆ. ⁶ನಿಶ್ಚಯವಾಗಿ ನನ್ನ ಜೀವಮಾನದ ಎಲ್ಲಾ ದಿನಗಳಲ್ಲಿ ಒಳ್ಳೆಯತನವೂ ಅಚಲಪ್ರೀತಿಯೂ ನನ್ನನ್ನು ಹಿಂಬಾಲಿಸುವುವು, ನಾನಾದರೋ ನನ್ನ ತಂದೆಯ ಮನೆಯಲ್ಲಿ ಸದಾಕಾಲ ವಾಸಿಸುವೆನು.