Apa, Azaosiannupa
David om Kalum Laa khat.
Zaosiannupa David na Pa na pi phunnu lang bi hiak nge: pi chak thangnu, tui pinu, baom katha paannu kaan bi han pi hungnu, thinu lim bazwan taram bi kachi makka pi kainu, khatle baom munanu nun meithaan bi daan thangnu table khat bi badung thangnu. Kasanu ga bating han han sui cha make—haga bating ket pui ding det suinuwe.
23 1Apa ga Azaosiannupa gaye; ei pa-aam le baat make. 2Ba annu lousam bi Maanna ei pi hungnei thang nge; thiap thiap ongnu tui paan bi Maanna ei kai nge. 3Maanna akatha pi hanchin thang nge; Bameng sake Maanna ririak senu lampui bi ei kai nge. 4Ei thinu lim bazwan taram serwan thang peida, ei kasianu khatchale kachilaye, balangbe Nang ei le am bacham nge; Nasungrwan khatle Nakatei na ei bathem thang nge. 5Amunanu nun meithaan bi Nangna ei lang table khat daan thang nge; Nangna alu bi thao kanun thang nge; angai ga pi inku thou nge. 6Batak takka ei ringnu kum ambasaan kasanu khatle braan latlanu kriangnu na ei sui lune, khatle ei khwa seiga Apa in bi ringlune.