Psalms 23

23 ¹ My Papa na my shepherd; notin no dey miss me. ² For green grass field e dey make me lie down; for where quiet water dey, e dey lead me. ³ E dey give my soul new life; e dey lead me for di correct-and-holy way because of im name. ⁴ Even as I dey waka pass di valley wey death shadow cover, I no go fear any evil, because You dey with me; Your rod and Your staff dey comfort me. ⁵ You dey set table for my front for di eye of my enemies dem; You dey rub oil for my head; my cup dey overflow. ⁶ For true, goodness and love wey no dey fail go dey follow me all di days of my life, and I go dey live for di house of my Papa forever.