Mga Awit 23

23 ¹ Ang aking Ama ang aking pastol; wala akong kakulangan. ² Sa luntiang mga pastulan ay pinahihiga niya ako; sa tabi ng tahimik na tubig ako'y kaniyang inaakay. ³ Pinananauli niya ang aking kaluluwa; inaakay niya ako sa mga landas ng katuwiran alang-alang sa kaniyang pangalan. ⁴ Kahit na lumakad ako sa libis ng lilim ng kamatayan, hindi ako matatakot sa anumang kasamaan, sapagkat ikaw ay kasama ko; ang iyong pamalo at ang iyong tungkod ang umaaliw sa akin. ⁵ Naghahanda ka ng isang dulang sa harap ko sa harapan ng aking mga kaaway; binabasbasan mo ng langis ang aking ulo; ang aking saro ay umaapaw. ⁶ Tunay na ang kabutihan at ang di-nagmamaliw na pag-ibig ay hahabol sa akin sa lahat ng mga araw ng aking buhay, at maninirahan ako sa bahay ng aking Ama magpakailanman.