Kü Bou, Kü Lombou
Dawideibü sam che.
Dawid lombouei haoei Boueibü lombü kibü shangabü doanda: phokuda, dei kuda, haoeibü soushou alamleko kijinei pienngaida, haibü yemekou danko hat ayoko paida, kheijinei dangbou shuong thedanga lambü khümsoka hoa. Maibü si üeisanouei hao to shieida shalakei ayingko—kho hao shijung louda.
23 1Kü Bou kho ngo lombou; ngo ai ashalada. 2Shomenbü seka haoei ngo yepan phokuda; eaaoabü dei junga haoei ngo leida. 3Haoei kü soushou pienngaida; haoeibü nyen shanga saopobü lamnyua haoei ngo leida. 4Ngo haibü yemekou pholia paisikei, ngo amaibü to aühütlabü, aishanga no kü yoa kia; kaibü juei hoba kaibü juloei ngo sudajada. 5Ngeibü dangbou shuong maanga nyi kü thedanga khümsok lamlea; nyi kü khua onangei naangkuda; kü thung juongnyu kia. 6Maimaitham maibü hoba üeisanouei kü langkei salang sünga ngo shieilabü, hoba ngo kü Bou chema ponpen thon akiko kilabü.
