Kwandanyu, Mestowondennyu
Tienwogitap Daudi.
Sirchei Daudi mestowondet agobo kigeyai ko lakweet: kigeepi, kigeweek peek, kigeweek saboonnyi ye kang'alilan, kigewendotee atebweetap urwetap meet ko ma mi iywet, yeityo kigetebi meset ne kichob eng' taitap puunik. Ma koisup myeeindo kityo—koyaaktoi ineendet.
23 1Kwandanyu ko mestowondennyu; ma rarun kiy. 2Iruutoe eng' susweek che nyaliileen; indoe anee ole mi peek che tala. 3Weekyi saboondanyu; indochi anee ortinwegap imanda agobo kainennyi. 4Agot ngot awendotee eng' atebweetap urwetap meet, ma aiywei yaityet, amu imi kobooton; igaigaa kiroktong'ung' ak kirugutyeng'ung'. 5Ichobwo meset eng' tainnyu eng' taitap puuniguk; iil metinnyu eng' mwaita; nyiei kigombennyu. 6Iman soobo anee myeeindo ak rireenet eng' peetuusyek tugul che po saboondanyu, ak ameny eng' kootap Kwandanyu koigeny.