Mi eng' bukuit

Tyenwogigap Kalasunet 24 FHB Father's Heart Bible™

Kiistoi 15% eng' kiy ne iale korook →
Bukuit

Punjin Ineendet Tuguuk Tugul

Tyeng'ap Daudi.

Amu po Kwandanyo ng'wony ak tugul che menyei oriit, ngwananet neng'ung' ko agobo ng'atuutikyik: eunek che tiliileen, muguleldo ne tiliil, ma iyasye eng' lembech. Yeityo king'atei kurgotik ineegei koyaat si kochut Laitoryatap toroornatet, ne nyigan eng' lugeet, ne nyonei.

Sura 24.

Po Kwandanyo ng'wony, ak tuguuk tugul che mi oriit, ng'wony, ak tugul che menyei oriit. Amu ki ilum lumeiywekyik eng' nyanjosyek, ak ki teech eng' ainoosyek. Ng'oo ne imuuchi kotogosta tulweetap Kwandanyo? Ak ng'oo ne imuuchi kotonon eng' ole tiliil nenyi? Chiito ne tinye eunek che tiliileen ak muguleldo ne tiliil, ne ma tokyi muguleldonyi tuguuk che po lembech, ak ne ma iyasye eng' ng'aalseet. Nyoor kaberuret eng' Kwandanyo, ak imanda eng' Kwandanyi ne sarei ineendet. Ko uu niito ibindap icheek che cheeng'ei ineendet, che cheeng'ei togeng'ung', ee Kamuktaindetap Jakobo. a a v6 Sela: imuuchi ko siget ne po tyeng' anan ko sait ne kitebee si kibwat eng' sait ne kilosei Kamuktaindet; mi kora eng' istoeet 10.

Ong'eet metowekwok, ee ormariich! Ong'eetyee, ee kurgotik che po keny, si kochut Laitoryatap toroornatet. Ng'oo Laitoryatap toroornatet ni? Kwandanyo, ne kiim ak ne nyigan, Kwandanyo, ne nyigan eng' lugeet. b b v8 Laitoryatap toroornatet ne chutei ormariik ko Kwandanyo ineegei, ne kiim kosar ak ne nyigan korib lagokyik. Ong'eet metowekwok, ee ormariich! Ong'eetyee, ee kurgotik che po keny, si kochut Laitoryatap toroornatet. Ng'oo ineendet, Laitoryatap toroornatet ni? Kwanda ne po lugosyegap kipsengwet—ineendet Laitoryatap toroornatet.