Ot Saikora Awuina
Davidwui laa lairik akha.
Okathui kala chili kapamabing saikora ithumwui Avāwui kaja, ali khanganai chi awui ningkachāng eina: pāng kathara, wuklung kashung, kapikta khangashit maleila. Chieina ngaveibingli tekhamateiwui Awunga, raili kapinga, zangpai khavai kui khāngkāngasaka.
24 1Okathui kala chiwui alungli khalei saikora, apuk-apaga, kala chili kapamabing saikora, ithumwui Avāwuina. 2Kaja ana chi shamadrutungli shimphunga sāphokhaira, kala chi kongtungli sākāhaira. 3Khipāna ithumwui Avāwui kaphungli kārakhala? Kala khipā awui katharapamli nganingrakhala? 4Pāng kathara kala wuklung tharzāri kahaipa, makhamayā otli awui ning mahaida, kala kapikta khangashit masābing china. 5Ana ithumwui Avāwui eina sokhami, kala ali huikhame awui Avāwui eina khamashung khangarong samphangra. 6O Jacobwui Vare, ali kaphā, nawui mangā kaphābingwui thot chi chikathāna. a a v6 Selah: laa matakkhak, lah khorum tharan phaningsā khavai ngasāmpam ngasāra da leishikhala; khang 10 lilala lei.
7O ngaveibing, nathumwui kui khāngkālu! O achālakha khāmongbing, khāngkāhaolu, chieina tekhamateiwui Awunga zangpaira. 8Hi tekhamateiwui Awunga chi khipākhala? Ithumwui Avā, kapanga kala kapinga, ithumwui Avā raili kapingana. b b v8 Ngaveibing zangkame tekhamateiwui Awunga chi ithumwui Avā khalatta china, huikā khavai kapanga kala awui naongarāli ngākmi khavai kapinga. 9O ngaveibing, nathumwui kui khāngkālu! O achālakha khāmongbing, khāngkāhaolu, chieina tekhamateiwui Awunga zangpaira. 10Hi tekhamateiwui Awunga chi a khipākhala? Saikorawui Avā, a tekhamateiwui Awungana.
