Sob jinis Tar laga ase
David laga ekta git.
Prithibi aru tai te thaka sob manuh amar Pitri laga hoi karone, Tai logot usor ahibole Tai laga niyom pora he ahibo lage: sapha hath, sat mon, misa kosom nai. Tar pichete dorja khan ke he hukum diye juddho te shoktiman thaka mohima laga Raja bhitor te ahibole khuli dibi.
24 1Prithibi aru itu bhitor te thaka sob jinis, jogot aru itu te thaka sob manuh khan, amar Pitri laga ase. 2Kilemane Tar pora samundar khan uporte itu laga bheti rakhise, aru nodi khan uporte itu ke bonaise. 3Kon pora amar Pitri laga pahar te uthibo paribo? Aru kon pora Tar pobitro jagah te khara hobo paribo? 4Kun laga hath sapha aru mon pobitro ase, kun pora misa jinis te tar mon nalagai aru thoga-baji pora kosom nakhai. 5Tai amar Pitri pora asirbad pabo, aru tar ke bachai diya tar Pitri pora dharmikota pabo. 6Eneka he Tar ke bisari thaka khan laga jamana ase, kun pora Apuni laga chehera bisare, Jacob laga Isor. a a v6 Selah: sayed ekta gana laga ishara ba aradhana somoite bhabona koribole rukhi thaka homoi ase; verse 10 te bhi ase.
7Tumikhan laga matha uthabi, duar khan! Uthi jabi, tumikhan purana dorja khan, titia mahima laga Raja bhitor te ahhibo. 8Itu mahima laga Raja kun ase? Amar Pitri, takot aru sokti-wala, amar Pitri, lorai te sokti-wala. b b v8 Duar khan te ghusi aha mahima laga Raja tu amar Pitri nijor ase, bachai dibole takot aru Tar bacha khan ke rokhya koribole sokti-wala. 9Tumikhan laga matha uthabi, duar khan! Itu khan ke uthabi, tumikhan purana dorja khan, titia mahima laga Raja bhitor te ahhibo. 10Itu mahima laga Raja, tai kun ase? Sorgo laga sena khan laga Pitri—Tai he mahima laga Raja ase.