آتامیزین اِوئنئن تزه‌دن تئکئلمه‌سی
حَگّای و زکریانین تشویقی ائله، زِروبّابئل و یِشوعَ گئنه تئکمه‌یه باشلاییرلار. والی تَتِّنای سوروشور کی، بونا کئم ائجازه ورئب، آمّا آتالارینین گؤزو آغساقّاللارین اوستونده‌دئر، اونا گؤره هچ کس اونلاری دایاندیرمیر. تَتِّناینین داریوشا گؤندَردئیی خبر آنجاق بونو ائسته‌یئر کی، پادشاه دفترخاناسی آختاریلسین.
5 1او واخت پیغمبرلر حَگّای و عئدّو اوغلو زکریا، یهودا و اورشلئمده اولان یهودئلره، اونلارین اوستونده اولان آتامیزین، یعنی ائسرایئلئن تاریسینین آدینا نبئلئک اتدئلر. 2اوندا سِعَلتی‌اِل اوغلو زِروبّابئل و یوصاداق اوغلو یِشوعَ قالخیب، اورشلئمده آتامیزین اِوئنی تزه‌دن تئکمه‌یه باشلادیلار و آتامیزین پیغمبرلری ده اونلارلا بئرلئکده اولوب، اونلارا کؤمک ادئردئلر.
3او واخت چایین او تاییندا والی اولان تَتِّنای، شِتَر-بوزِنای و اونلارین همکارلاری گلئب سوروشدولار: «بو اِوی تئکمه‌یه و بو عئمارتی قورتارماغا سئزه کئم ائجازه ورئب؟» 4گئنه ده سوروشدولار: «بو بئنانی تئکن آداملارین آدلاری نه‌دئر؟» 5آمّا آتالارینین گؤزو یهودی آغساقّاللارین اوستونده ائدی، اونا گؤره بو ائش داریوشا چاتیب یازیلی جاواب قاییدانا قدر هچ کس اونلاری دایاندیرمادی.
پادشاه داریوشا بئر مکتوب
6چایین او تاییندا والی اولان تَتِّنای و شِتَر-بوزِنایین، چایین او تاییندا اولان همکار اعیانلاری‌ائله بئرلئکده پادشاه داریوشا گؤندَ‌ردئکلری مکتوبون صورتی بودور: 7اونا بله یازیلمیش بئر خبر گؤندَ‌ردئلر: پادشاه داریوشا، کامئل سالامات اولسون.
8پادشاه، بئل کی، بئز یهودا ولایتئنه، بؤیوک تارینین اِوئنه گتدئک. او اِو، بؤیوک داشلارلا تئکئلئر و دووارلارینا تاختالار قویولور. بو ائش دئقّتله گؤرولور و اونلارین اَلئنده اوغور تاپیر. 9اونا گؤره بئز آغساقّاللاردان سوروشدوق: «بو اِوی تئکمه‌یه و بو عئمارتی قورتارماغا سئزه کئم ائجازه ورئب؟» 10سنه بئلدئرمک و باشچیلارین آدلارینی یازماق اوچون، اونلارین آدلارینی دا سوروشدوق. 11اونلار بئزه جاواب وردئلر: «بئز گؤیون و یرئن تاریسی اولان آتامیزین قوللارییق و او اِوی تزه‌دن تئکئرئک کی، چوخ ائللر بوندان قاباق ائسرایئلئن بؤیوک بئر پادشاهی طرفئندن تئکئلئب قورتاریلمیشدی. 12آمّا اجدادلاریمیز گؤیون تاریسی اولان آتامیزی قضبله‌ندئردئکلری اوچون، او، اونلاری بابئل پادشاهی بابئللی نِبوکَدنِصَّرئن الئنه تسلئم اتدی کی، او دا بو اِوی ییخدی و خالقی بابئله اسئرلئیه آپاردی. 13آمّا بابئل پادشاهی کوروشون ائلک ائلئنده، کوروش پادشاه فرمان وردی کی، آتامیزین بو اِوی تزه‌دن تئکئلسئن. 14همچئنئن نِبوکَدنِصَّرئن اورشلئمده‌کی معبددن گؤتوروب بابئل معبدئنه آپاردیغی آتامیزین اِوئنئن قیزیل و گوموش قابلارینی دا کوروش پادشاه بابئل معبدئندن چیخاردیب، والی تعیئن اتدئیی شِشبَصّر آدلی بئر آداما وردی. 15و اونا ددی: ”بو قابلاری گؤتور، گت و اونلاری اورشلئمئن معبدئنه قوی و قوی تارینین اِوی اؤز یرئنده تزه‌دن تئکئلسئن.“ 16سونرا بو شِشبَصّر گلئب، اورشلئمده آتامیزین اِوئنئن بونؤوره‌لرئنی قویدو و او واختدان ائندئیه کئمی تئکئلئر، آمّا حله قورتارماییب.»
17ائندی اگر پادشاه راضیدیرسا، قوی بابئلده‌کی پادشاهلیق سنَدلرئنده آختاریش آپاریلسین کی، گؤرولسون آیا کوروش پادشاه فرمان ورئب کی، اورشلئمده‌کی تارینین بو اِوی تزه‌دن تئکئلسئن. سونرا قوی پادشاه بو ائش حاقّیندا اؤز قرارینی بئزه گؤندَ‌رسئن.
