پولوس قورئنتده کئلئسا قورور
پولوس آکوئلا و پرئسکئلّا ائله چادیر تئکئر و موخالئفت اونو یان اِوه سوروکلَیَنه قدر هر سَبّت گونو موباحئثه ادر. رؤیادا اونا دیئلئر کی، دانیشماغا داوام اتسئن، و او بئر ایل آلتی آی قالیر. قالیو داعوانی سؤزلر اوستونده بئر موباحئثه ساییب ردّ ادر، و جاماعات اونون عوضئنه سوستِنِسی دؤیور.
18 1بوندان سونرا، پولوس آتِنادان چیخیب قورئنته گتدی. 2اورادا آکوئلا آدلی بئر یهودی تاپدی کی، پونطوسلو ائدی و آروادی پرئسکئلّا ائله تزه‌لئکده ائتالیادان گلمئشدی، چونکی کلاودیوس امر اتمئشدی کی، بوتون یهودئلر رومدان چیخسینلار. پولوس اونلارین یانینا گتدی، 3و پئشه‌لری بئر اولدوغو اوچون، اونلارین یانیندا قالیب اونلارلا بئرلئکده ائشله‌دی؛ اونلارین پئشه‌سی چادیرچیلیق ائدی. 4او، هر سَبّت گونو کنئسه‌ده موباحئثه ادئب، یهودئلری و یونانلی‌لاری راضی اتمه‌یه چالیشیردی. 5سئلاس و تئموتاعوس مقدونئیّه‌دن گلنده، پولوس تامامن کلاما ورئلمئشدی و یهودئلره شهادت ورئردی کی، مسئح عئسادیر. 6اونلار موقاوئمت گؤستَرئب اونا کوفر دِیَنده، پولوس پالتارلارینی چیرپیب ددی: «قانینیز اؤز باشینیزا اولسون! من اوندان تمئزم. بوندان سونرا قیری‌یهودئلرئن یانینا گده‌جه‌یم.»
7او، کنئسه‌دن چیخیب، آتامیزا عئبادت ادن تئتیوس یوستوسون اِوئنه گتدی کی، اِوی کنئسه‌نئن یانیندا ائدی. 8کنئسه ریئسی کرئسپوس، بوتون اِو اهلی ائله بئرلئکده ربّه ائمان گتئردی؛ و پولوسو اشئدن چوخلو قورئنتلی ده ائمان گتئرئب تعمئد آلدیلار.
9بئر گجه رب رؤیادا پولوسا ددی: «قورخما؛ دانیشماقدا داوام ات، ساکئت دورما، 10چونکی من سنئنله‌یم و هچ کس سنه ضرر ورمک اوچون سنه هوجوم اتمیه‌جک، چونکی بو شهرده منئم چوخلو خالقیم وار.»
11بله‌جه پولوس بئر ایل آلتی آی اونلارین آراسیندا قالیب، آتامیزین کلامینی اؤیرَتدی.
12گالّیو اَخایئه‌نئن والئسی اولان زامان، یهودئلر بئرله‌شئب پولوسون ضئدّئنه قالخدیلار و اونو محکمه قاباغینا گتئردئلر، 13و ددئلر: «بو آدام جاماعاتی راضی ادئر کی، شرئعته ضئدّ یوللارلا تارییا عئبادت اتسئنلر.»
14پولوس دانیشماق ائسته‌دئیی زامان، گالّیو یهودئلره ددی: «ای یهودئلر، اگر بو، بئر حاقسیزلیق یا دا پئس بئر جئنایت اولسایدی، سئزه دؤزمه‌یه اساسیم اولاردی. 15آمّا بو، سؤزلر، آدلار و اؤز شرئعتئنئز حاقّیندا بئر موباحئثه اولدوغو اوچون، اؤزونوز اونو حل ادئن. من بله ائشلره قاضی اولمارام. 16و اونلاری محکمه‌دن قوودو.»
17بله‌جه، اونلارین هامیسی کنئسه ریئسی سوستِنِسی توتوب، محکمه کورسوسونون قاباغیندا اونو دؤیدولر، آمّا گالّیو بونلارین هچ بئرئنه اهمئیّت ورمئردی.
پولوس اَنطاکئیه‌یه قاییدیر
18پولوس قورئنتده حله چوخ گون قالدی. سونرا قارداشلارلا وداعلاشیب، پرئسکئلّا و آکوئلا ائله بئرلئکده سورئیه‌یه طرف گمی ائله یولا دوشدو. کِنخِره‌ده ساچینی قیرخدیردی، چونکی بئر نذر توتموشدو. a a v18 ساچینی قیرخماق، تاریا حصر اولونماق اوچون یهودی نذرئنئن رسمی اولاراق سونا چاتدیغینی گؤستَرئردی. 19اونلار اَفِسوسا چاتدیلار؛ پولوس پرئسکئلّا و آکوئلانی اورادا قویدو، آمّا اؤزو کنئسه‌یه گئرئب یهودئلر ائله موباحئثه اتدی. 20اونلار اوندان خاهئش اتدئلر کی، داها آرتیق قالسین، آمّا او قبول اتمه‌دی. 21آمّا او، «اگر آتامیز ائسته‌سه، سئزئن یانینیزا قاییداجاغام» دِیه‌رک اونلاردان آیریلدی و اَفِسوسدان گمی ائله یولا دوشدو.
22قیصرئیّه‌یه چاتاندا، یوخاری قالخیب کئلئسانی سالاملادی، سونرا اَنطاکئیه‌یه اِندی.
23اورادا بئر مودّت قالاندان سونرا، یولا دوشوب گالاتئیا و فئرئجئیه‌نی گَزدی و بوتون شاگئردلری قووّتلَندئردی. 24اَپولّوس آدلی بئر یهودی کی، اَسکندرئیّه‌ده آنادان اولموشدو، اَفِسوسا گلدی. او، بئلئکلی بئر آدام ائدی و موقدّس یازیلاری یاخشی بئلئردی. 25اونا ربّئن یولو اؤیرَدئلمئشدی و او، روحدا جوشا گلئب، عئسا حاقّیندا دقئق دانیشیب اؤیرَدئردی، حرچند فقط یحیانین تعمئدئنی بئلئردی. 26او، کنئسه‌ده جسارتله دانیشیردی. پرئسکئلّا و آکوئلا اونو اشئدنده، اونو بئر کنارا چکئب، آتامیزین یولونو اونا داها دقئق باشا سالدیلار.
27اَپولّوس اَخایئه‌یه کچمک ائسته‌دئیی زامان، قارداشلار اونو تشوئق اتدئلر و شاگئردلره مکتوب یازدیلار کی، اونو قبول اتسئنلر؛ او، اورایا چاتاندا، فیض واسئطه‌سی‌ائله ائمان گتئرنلره چوخ کؤمک اتدی، 28چونکی او، جاماعات قاباغیندا یهودئلری قووّتله رد ادئب، موقدّس یازیلاردان ثوبوت ادئردی کی، مسئح عئسادیر.
