آتانین سئرّلرئنئن وکئل‌لری
قورئنتلئلر حوارئلرئنی، حامی‌لرئن ائفاچیلاری قئیمتلندئردئیی کئمی، موحاکئمه ادئرلر. پولوس دیئر کی، تکجه اعتئباری اولان حؤکم، رب قاییداندا آتامیزین تعرئفی‌دئر، اؤز آجلیغینا، دؤیولمه‌سئنه و اِوسئزلئیئنه ائشاره ادئر، و اونلارا خاطیرلادیر کی، اونلاری ائنجئلده دوغوروب، اونا گؤره ده آتا کئمی یازیر.
4 1بئزی مسئحئن خئدمتچئلری و آتامیزین سئرّلرئنئن وکئل‌لری حساب ادئن. 2بوندان علاوه، وکئل‌لردن تلب اولونور کی، صادئق اولسونلار. 3آمّا سئزئن، یا دا هر هانسی بئر ائنسان محکمه‌سئنئن منی موحاکئمه اتمه‌یی منئم اوچون چوخ کئچئک بئر شیدئر. من حتّا اؤزومو ده موحاکئمه اتمئرم. 4اؤزومه قارشی هچ بئر شی بئلمئرم، آمّا بو منه بَرائت قازاندیرماز. منی موحاکئمه ادن، ربّئمئز عئسادیر. 5اونا گؤره، واختیندان قاباق، ربّئمئز عئسا گلمه‌مئشدن اوّل موحاکئمه اتمه‌یئن. او، قارانلیقدا گئزلی اولانی ایشیغا چیخاردیب، اورَکلرده اولان نئیّتلری آشکار اده‌جک. او زامان هرکس آتامیزدان تعرئف آلاجاق.
6قارداشلار، بونو اؤزومه و آپولّوسا سئزئن خاطئرئنئزه تطبئق اتدئم کی، بئزدن اؤیرَنه‌سئنئز، یازیلمیش اولاندان کنارا گتمَیه‌سئنئز و بئرئنی او بئرئسئندن اوستون توتوب مغرور اولمایاسینیز. 7چونکی سنی فرقلی ادن کئمدئر؟ نه‌یئن وار کی، اونو آلماییبسان؟ اگر اونو آلیبسان، نئیه فخر ادئرسن، گویا آلماییبسان؟
8ائندئدن ائسته‌دئیئنئز هر شیه مالئکسئنئز! ائندئدن وارلی اولوبسونوز! بئزسئز پادشاهلیق اتمه‌یه باشلاییبسینیز—کاش دوغرودان دا پادشاهلیق اده‌سئنئز کی، بئز ده سئزئنله بئرلئکده پادشاهلیق اده‌ک! 9چونکی دوشونورم کی، آتامیز بئز حوارئلری، اؤلومه محکوم اولان آداملار کئمی، لاپ آخیردا نمایشه قویوب؛ چونکی بئز دونیایا، مَلَکلره و ائنسانلارا بئر تاماشا اولموشوق. 10بئز مسئح اوچون آخماغیق، آمّا سئز مسئحده حئکمتلی‌سئنئز. بئز ضعئفئک، سئز گوجلوسونوز. سئز حؤرمتلی‌سئنئز، بئز حؤرمتسئز. 11بو واختا کئمی آج و سوسوز قالیریق، جیریق پالتارداییق، دؤیولموشوک و اِوئمئز یوخدور. 12اؤز اَللرئمئزله زحمت چکئرئک. تحقئر اولوناندا خئیئر-دوعا ادئرئک، سئتم چکنده دؤزورئک. 13بؤهتان آتیلان زامان، مولایئملئکله جاواب ورئرئک. بو گونه کئمی دونیانین زئبئلی، هامینین تولّانتیسی اولموشوق.
14بونو سئزی اوتاندیرماق اوچون یازمیرام، آمّا سئزی اؤز سِوئملی اؤولادلاریم کئمی خبردار اتمک اوچوندور. 15مسئحده ساییسیز-حسابسیز مربّئنئز اولسا دا، چوخ آتانیز یوخدور—من سئزی مسئح عئسادا ائنجئل واسئطه‌سئله دوغدوم. a a v15 پولوس آتامیزین یرئنی توتمور؛ او، بئر ائنسانی واسئطه کئمی خئدمت ادر کی، آتامیز اونون واسئطه‌سئله اؤز اؤولادلارینی عایئله‌یه دوغور. دوغماغی ائنجئلئن اؤزو ادر. 16اونا گؤره سئزه یالواریرام، منی تقلئد ادئن. 17بونا گؤره تئموتاعوسو سئزئن یانینیزا گؤندَ‌ردئم کی، او منئم ربده عزئز و صادئق اؤولادیمدیر—او، مسئح عئسادا اولان یوللاریمی سئزه خاطیرلاداجاق، نجه کی، من هر یرده، هر کئلئسادا تعلئم ورئرم. 18بعضئلری کئبئرلَنئبلر، ائله کی، گویا من سئزئن یانینیزا گلمه‌یه‌جه‌یم. 19آمّا اگر ربّئمئز عئسا ائسته‌سه، تزلئکله سئزئن یانینیزا گله‌جه‌یم و بو مغرور آداملارین سؤزلرئنی یوخ، قودرتئنی اؤیره‌نه‌جه‌یم. 20چونکی آتامیزین پادشاهلیغی سؤزلرده یوخ، قودرتده‌دئر. 21نه ائسته‌یئرسئنئز؟ یانینیزا دَیَنَکله گلئم، یا محبّتله، مولایئملئک روحوندا؟
