በጨለማ ውስጥ የዳዊት ጩኸት
ለመዘምራን አለቃ፤ በባለ አውታር መሣሪያዎች፤ በሰመኒት ዜማ መሠረት። የዳዊት መዝሙር።
ዳዊት ታሟል፤ በፍርሃትም ይንቀጠቀጣል፤ ሌሊቱን ሙሉ አልጋውን በእንባ በማራስ ደክሟል፤ «እስከ መቼ?» ብሎም ይጠይቃል። ሙታን ሊያመሰግኑ አይችሉም ብሎ ይሟገታል። ከዚያም ጸሎቱ ይለወጣል፦ አብ ልቅሶውን ሰምቷል፤ ጠላቶቹንም ያሰናብታል።
6 1አባቴ ሆይ፣ በቍጣህ አትገሥጸኝ፤ በመዓትህም አትቅጣኝ። 2አባቴ ሆይ፣ ደካማ ነኝና ማረኝ፤ አባቴ ሆይ፣ ዐጥንቶቼ በፍርሃት ተንቀጥቅጠዋልና ፈውሰኝ።
3ነፍሴ በፍርሃት እጅግ ተንቀጥቅጣለች። አንተ ግን፣ አባቴ ሆይ፣ እስከ መቼ ነው? 4አባቴ ሆይ፣ ተመለስልኝ፤ ነፍሴን ታደግ። ስለ ኪዳንህ ፍቅር አድነኝ።
5በሞት ውስጥ የሚያስታውስህ የለምና፤ በመቃብር ውስጥስ ማን ያመሰግንሃል?
6በማቃሰቴ ደክሜአለሁ። ሌሊቱን ሙሉ አልጋዬን በእንባ አጥለቀልቃለሁ፤ መኝታዬንም በለቅሶዬ አርሳለሁ።
7ዐይኖቼ ከሐዘን የተነሣ ደክመዋል፤ ከጠላቶቼ ሁሉ የተነሣ ፈዝዘዋል። 8ክፉ የምታደርጉ ሁላችሁ፣ ከእኔ ራቁ፤ አባቴ የልቅሶዬን ድምፅ ሰምቷልና። 9አባቴ የምሕረት ልመናዬን ሰምቷል፤ አባቴ ጸሎቴን ይቀበላል። 10ጠላቶቼ ሁሉ ያፍራሉ፤ በፍርሃትም ይንቀጠቀጣሉ፤ ወደ ኋላ ተመልሰው በድንገት ያፍራሉ።
