Kilio cha Daudi Gizani
Kwa mwimbishaji; kwa vinanda vya nyuzi. Mtindo wa Sheminithi. Zaburi ya Daudi.
6 1 Baba yangu, usinikemee katika hasira yako, wala usiniadhibu katika ghadhabu yako. 2 Unifadhili, Baba yangu, kwa maana nimedhoofika; uniponye, Baba yangu, kwa maana mifupa yangu inatetemeka kwa hofu.
3 Nafsi yangu inatetemeka kwa hofu. Lakini wewe, Baba yangu — hata lini? 4 Unigeukie, Baba yangu; uiokoe nafsi yangu. Uniokoe kwa ajili ya upendo wako wa agano.
5 Kwa maana katika mauti hakuna kumbukumbu lako; kaburini, ni nani atakayekusifu?
6 Nimechoka kwa kuugua kwangu. Usiku kucha nakilowanisha kitanda changu kwa machozi; nakiloweka kwa kulia kwangu.
7 Macho yangu yamechoka kwa huzuni; yamedhoofika kwa sababu ya adui zangu wote. 8 Ondokeni kwangu, ninyi nyote mtendao maovu, kwa maana Baba yangu amesikia sauti ya kulia kwangu. 9 Baba yangu amesikia dua yangu ya rehema; Baba yangu anaipokea sala yangu. 10 Adui zangu wote wataaibika na kutetemeka kwa hofu; watarudi nyuma na kuaibishwa ghafula.
