Asa Milih Aram Tinimbang Rama

Nyanghareupan Baasa, Asa meuli pitulung Aram ku perak ti Bait Allah tibatan nanya ka Rama-na. Hanani nyarioskeun ka anjeunna yén panon Rama urang ngulampreng ka sakuliah bumi, milarian haté anu sapinuhna masrahkeun diri ka Mantenna. Asa ngabui éta tukang tingal, sarta engkéna milarian dukun-dukun tibatan Mantenna pikeun sukuna anu gering.

Pasal 16.

Dina taun katilu puluh genep jaman Asa, Baasa raja Israil narajang tanah Yuda, tuluy nyieun benteng di Rama supaya teu aya saurang ge anu bisa kaluar atawa asup ka wewengkon Asa raja Yuda. Asa nyokot perak jeung emas tina gudang Bait Rama urang katut karaton raja, tuluy dikirimkeun ka Benhadad raja Aram, anu cicing di Damsik, jeung ieu amanatna: “Hayu urang ngayakeun perjangjian antara kaula jeung anjeun, cara ama kaula jeung ama anjeun baheula. Ieu kaula ngirim perak jeung emas ka anjeun. Geura udar perjangjian anjeun jeung Baasa raja Israil, supaya manehna undur ti kaula.”

Benhadad nyatujuan panuhun Raja Asa, tuluy ngirim para panglima baladna pikeun narajang kota-kota Israil. Maranehna ngaruksak Iyon, Dan, Abel-maim, jeung sakabeh kota panggudangan Naptali. Barang Baasa ngadenge hal eta, manehna eureun nyieun benteng di Rama sarta ninggalkeun pagaweanana. Raja Asa ngumpulkeun sakabeh urang Yuda; maranehna ngakut batu jeung kayu anu tadina ku Baasa dipake nyieun benteng di Rama, tuluy ku Asa dipake nyieun benteng di Geba jeung Mispa.

Tuluy Hanani nu narawangan datang ka Asa raja Yuda, pok saurna, “Ku sabab anjeun ngandelkeun raja Aram, lain ka Rama anjeun, balad raja Aram teh leupas tina genggeman anjeun. Lain urang Kus jeung urang Libia teh balad anu kacida gedena, jeung kareta perang katut pasukan kuda anu teu kaitung lobana? Ku sabab anjeun harita ngandelkeun ka Rama anjeun, ku Mantenna dipaparinkeun kana genggeman anjeun. Sabab soca Rama urang teh ngawaskeun saalam dunya, pikeun nguatkeun jalma-jalma anu haténa gembleng ka Mantenna. Dina perkara ieu anjeun geus boga lampah bodo; ti semet ayeuna anjeun bakal ngalaman perang-perang.”

Asa ambek kacida ka nu narawangan ku lantaran hal ieu, tuluy manehna dipanjara dirante dina pasungan, sabab Asa bendu pisan ka manehna ngeunaan hal eta; harita oge Asa nganiaya sawatara jalma kalawan telenges.

Lalampahan Asa, ti awal nepi ka ahir, geus dicatet dina Kitab Raja-raja Yuda jeung Israil. Dina taun katilu puluh salapan jaman marentahna, Asa katarajang kasakit dina sampeanana, kasakit anu beuki parna. Tapi sanajan keur gering ge, manehna henteu neangan pitulung ka Rama urang, ngan ka tabib-tabib bae. Tuluy Asa pupus, ngahiji jeung karuhun-karuhunna, dina taun kaopat puluh hiji jaman marentahna. Anjeunna dikurebkeun di makamna sorangan, anu geus dipaculan keur manehna di Kota Daud, tuluy diebogkeun dina ranjang paturon layon anu pinuh ku rempah-rempah jeung rupa-rupa seuseungitan campuran anu digaringkeun ku tukang nyieun minyak seungit anu palinter, sarta pikeun anjeunna disundutkeun seuneu anu kacida gedena. ^a