Asana Avāwui pamli Aramli kapangkhui
Baashawui mangāli, Asana awui Avāli ngasanla mangāsanmana, Avāwui shimwui lupāsā eina Aramwui ngachonkhami khuiya. Hananina ali hānga, ithumwui Avāwui mikna okathui saikorali yangkaziya, awui pongli ningtonglak eina phaningabingli pangngasakra khavai. Asana marān chili phātopshimli khuizanga, kala thili awui pheiwui kazāwui vang ali maphaila khanongmāngli phaihaowa.
16 1Asana mungda zingkum thumrāda tharukli, Israel awunga Baashana Judahli rāngararhaowa, kala Judah awunga Asawui leiretli khipānakha mashokla mazangla ngasak khavai Ramahli sakāhaowa. 2Asana ithumwui Avāwui shim kala awungashi shimwui lanshimbing eina lupāsā kala sinā khuilaga, Damascusli khalei Aram awunga Ben-hadadli chihoserda hithāda hānga: 3"Ishāvā kala navāwui ngachaili leikahai thāda, inina ngachaili mayākhangarok akha leiranu. Yanglu, ina nali lupāsā kala sinā chihomira. Ara vaulu; Israel awunga Baasha iwui eina thuikhavai, awui ngasoda nawui mayākhangarok chi sātekhaolu."
4Ben-hadadna awunga Asawui tui khuida awui raimi kathānabingli Israelwui keinungbing rai ngasak khavai chihoserhaowa. Athumna Ijon, Dan, Abel-maim, kala Naphtaliwui lanshim keinung saikorali yuikhuihaowa. 5Baashana chi shā tharan, ana Ramah masākāluihaoda awui ot chi horhaowa. 6Awunga Asana Judah saikora kazipkhui; athumna Baashana Ramah sākā kahai ngalung kala thing chi khuivāhaowa, kala chi eina ana Geba kala Mizpahli sakāhaowa.
7Chieina marān Hanani Judah awunga Asali rāhānga, "Nana nawui Avāli machihala Aram awungali chihawui vang, awui raimibing nawui pāng eina nganaishokhaowa. 8Cushnaobing kala Libyanaobing, sigui-gari kala siguiraimi makhuila horkahai raimi maningsermala? Nana nawui Avāli chihawui vang, ana athumli nawui pāngli horsangmihaowa. 9Kaja awui pongli mirin peida phaningabingli pangsang ngasak khavai, ithumwui Avāwui mikna okathui saikorali yangkaziya. Hili nana mangma̱lak eina sāhaira; ara eina nali rai leira."
10Chiwui vang Asana marānli malungvātlakhaoda ali phātopshimli khuizangda zurthing sangmihaowa, kaja chi pongli ana ali wukkhananglakhaowa; kala atam chitharan ana mi kaikhali rekhareklak eina sāsai.
11Asawui kasāsā, khare eina thuilaga khanao eina tangda, Judah kala Israelwui awungabingwui Lairikli kapiserhaida lei. 12Awui mungda zingkum thumrāda chikoli, Asawui pheili kazā pemhaowa, awui kakazā chi marlaka. Chithālala awui kakazāli tangda ana ithumwui Avāli maphaimana, khanongmāngli phaihaowa. 13Chieina Asana awui shāvā ngarā eina ngasāmkhuihaowa, awui mungda zingkum hangmatida akhali thivāhaowa. 14Athumna ali David keinungli akhalattawui vang katkhui kahai chikhurli chifahaida, them-kathem neokhamiva̱bingna khangarān kahai nganamkaphā otyur kala phārrei neokhavai thaoyur khamanāta eina heirorhaira thisham petli haihaowa; kala awui vang mei kahaka akha shātmihaowa. a a v14 Mei kahaka chi awungali tekmatei mikhavai nganamkaphā otyur chuitāhaowa; hi asā mei eina chuikhavai maningmana, chi Israelna masālakmana.
