آسا د پلار په ځائ د اَرام غوراوے کوى
د بعشا په وړاندې، آسا د دې پر ځای چې له خپل پلار وپوښتي، د معبد په سپينو زرو د ارام مرسته اخلي. حنانی ورته وايي چې زموږ د پلار سترګې ټوله ځمکه ګوري او هغه زړونه لټوي چې په بشپړه توګه د هغه وي. آسا هغه ليدونکی بندي کوي، او وروسته د خپلو ناروغو پښو لپاره د هغه پر ځای طبيبان لټوي.
16 1د آسا په شپږ دېرشم کال کښې د اِسرائيل بادشاه بعشا په يهوداه باندې حمله وکړه او رامه يې پوخ کړو، دې دپاره چې د يهوداه د بادشاه آسا د علاقې نه هيڅوک د تلو او راتلو جوګه نۀ شى. 2آسا د زمونږ پلار د کور او د بادشاهۍ د کور د ذخيرو نه سپين زر او سره زر راواخستل او هغه يې د اَرام بادشاه بن هدد ته ولېږل چې په دمشق کښې اوسېدو، د دې پيغام سره چې، 3”زما او ستا په مينځ کښې دې لوظ وى، لکه څنګه چې زما د پلار او ستا د پلار په مينځ کښې وو. ګوره، زۀ تا له سپين زر او سره زر درلېږم. اوس لاړ شه او د اِسرائيل د بادشاه بعشا سره خپل لوظ مات کړه، چې هغه زما نه ليرې شى.“
4بن هدد د آسا بادشاه خبره ومنله او خپل د لښکرو سردارونه يې د اِسرائيل د ښارونو خلاف ولېږل. هغوئ عيون، دان، ابل مائيم او د نفتالى د ذخيرو ټول ښارونه تباه کړل. 5کله چې بعشا دا خبر واورېدو، نو د رامه پخولو نه يې لاس واخستو او خپل کار يې پرېښودو. 6آسا بادشاه ټول يهوداه راغونډ کړل، او هغوئ هغه کاڼى او لرګى يووړل چې بعشا پرې رامه پوخ کړے وو، او هغۀ پرې جِبعه او مِصفاه پاخۀ کړل.
7بيا حنانى غيب بين د يهوداه بادشاه آسا ته راغلو او ورته يې ووئيل چې، ”ځکه چې تا د اَرام په بادشاه باندې بهروسه وکړه او په خپل پلار دې نۀ وکړه، نو د هغۀ لښکر ستا د لاس نه خلاص شو. 8آيا د کوش او د ليبيا خلق يو لوئ لښکر نۀ وو، چې بې شُمېره رته او آس سوَر يې لرل؟ خو ځکه چې تا په خپل پلار بهروسه وکړه، نو هغۀ دا ستا په لاس کښې ورکړل. 9ځکه چې د زمونږ پلار سترګې په ټوله زمکه ګرځى، دې دپاره چې د هغه چا تقويت وکړى د چا زړۀ چې په بشپړ ډول ورته وقف وى. تا په دې کار کښې بې وقوفى وکړه، نو له دې نه وروستو به تا باندې جنګونه وى.“
10آسا په دې خبره د غيب بين نه په غصه شو او په قېدخانه کښې يې واچولو، ځکه چې په دې خبره ترې قهر شوے وو، او هغۀ په هغه وخت کښې ځنو خلقو باندې هم ډېر ظلم وکړو.
11د آسا کارونه، له اوله تر آخره، د يهوداه او د اِسرائيل د بادشاهانو په کتاب کښې ليکلى دى. 12د خپلې بادشاهۍ په نهه دېرشم کال کښې د آسا پښې په مرض اخته شوې، او هغه مرض سخت وو. خو هغه په خپل مرض کښې هم د زمونږ پلار طلب ونۀ کړو، بلکې يواځې د طبيبانو. 13بيا آسا د خپلو پلرونو سره آرام وکړو، او د خپلې بادشاهۍ په يو څلوېښتم کال کښې مړ شو. 14هغوئ هغه په خپله هغه قبر کښې ښخ کړو چې هغۀ د داؤد په ښار کښې د ځان دپاره توږلے وو، او هغه يې په داسې جنازې خټ باندې اېښودو چې په خوشبويانو او په مختلفو ګډو عطرونو پوښلے وو، چې ماهرو عطر جوړوونکو تيار کړى وو، او هغوئ د هغۀ دپاره يو لوئ اور بل کړو. a a v14 هغه لوئ اور د بادشاه د عزت دپاره خوشبويان وسوځول، دا د جسد سوځول نۀ وو، چې اِسرائيل به نۀ کولو.
