Tyendo ne po Nganaseet ne Kimnatit
Mang'unet eng' Kwandanyo yu ko ma muguleldo kityo, ago ko nganaseet ne kimnateet ne tinyei kurgotik che yaataat. Amde tyenik kole kaasich usoonet kityo eng' labotikwak, ak ma kaagisar chii age. Nooto anyun kiribe, kiguure kirotin kurgotik agoi kosiirte angeet, ak kiyomis kotyen che kagome kobun ng'ung'unyek.
26 1Eng' peetuunooto kityen tyeni eng' emetap Judah: Kitinyei nganaseet ne kimnateet; indoi yetunet koek irimoik ak kabwanutik. 2Oyat kurgotik, si kochut pororyet ne po imanda—pororyet ne riibei iyani. 3Iriip inyee ineendet eng' kaalyeet ne ititaat ne mindilileennyi tebee eng' inyee, amu imang'u inyee. 4Omang'u Kwandanyo koigeny, amu Kwandanyo ko Rwandet ne po koigeny. a a v4 Rwandet ko kaina age eng' kainaik che po tai che kiguure Kwandanyo eng' tyendo eng' Bukuit ne Tilil. Ne tebatebe, ne ma king'ei, ne po imanit — ineendet ko ng'wony ne ma king'ununei ne mi eng' oriitap saboondo age tugul ne imang'u ineendet. 5Amu kagibanani piik che menyei toroorindo, nganaseet ne toroor. Ibanani, ibanani agoi ng'wony, iwiirchi eng' temburyek. 6Ibutyi keeldo— keelyegap pooryeet, tyegutikap kibananook. 7Ooreetap ne po imanda ko litit; ichabai ooreetap ne po imanda. 8Eng' ooreetap kirwoogutiguk, Kwandanyo, kigeni inyee; kainendeng'ung' ak taagunateng'ung' ko kamanuutyetap saboondanyo. 9Eng' kemoi amache inyee saboondanyu; eng' oriitnyu kocheeng'ei inyee kabuusennyu; amu ye koit kirwoogutiguk ng'wony, koneetkei piik che menyei ng'wony kiit ne po iman. 10Ngot kigoochin chiito ne ya myeeindo, ma koneetkei imanda; eng' emet ne po suldanateet king'emgei ak ma keerei telunatetap Kwandanyo. 11Kwandanyo, kagiloong'u eung'ung', ago ma keerei icheek. Ingogeer icheek kagiilendeng'ung' agobo piiguk ak kolilaan. Ingobeel icheek maat ne kigonorchin puunikyuk. 12Kwandanyo, igimitwechin kaalyeet acheek, amu kaisuldawechin inde poisyosyekyok tugul. 13Kwandanyo, kagoboiywech kiptainik alak kobatee inyee, ago kainendeng'ung' kityo ne kibwaatee. 14Kagobek, ma kosap; ko oik, ma kong'etu; amu kagiibu yaityet agobo icheek ak kagiisto kabwaatetap icheek komugul. 15Kaites pororyet, Kwandanyo, kaites pororyet; kagitoroorin; kaeech pororyosyegap emet tugul. 16Kwandanyo, eng' sandet kocheeng'in; kolaali saaet eng' ung'oot ye kimi katigoneteng'ung' eng' icheek. 17Ko uu kwony ne manach ne piriir ak koriir eng' ng'wanindap sigisyet ye chogune kosich lakweet, ko uu nooto ki kimi acheek eng' taing'ung', Kwandanyo. 18Ki kimanach, ki kipiiriir, ago kisich koristo kityo. Ma kiibu yetunet eng' ng'wony, ak ma kisigun piik che menyei ng'wony. 19Kosap piiguk che kagobek; kong'etu poorwekwak. Ong'eet ak otyen eng' boiboiyet, okweek che menyei eng' temburyek! Amu roptang'ung' ko roptap taproob, ak kosich ng'wony oik. 20Obwa, piiguk, ochut eng' kooriikwok ak okweng' kurgotikwok; oung'egei eng' sait ne ming'in agoi kobata nereegek.
21Amu keero, nyoo Kwandanyo kong'eetee komostanyi si kobir piik che po ng'wony agobo tengekwogikwak, ak tuun koboorun ng'wony korotiik che ki kitumda paragunnyi, ak ma cher kogeny che kiimeen eng' ineendet.