Kaangkhühbü Sangnyu shanga Chia
Ho ka seneibü Bou to mailembü kho maangpon the aying, lausikei bakou shuong ipbubü laang baebü sangnyu che ki. Chia maibü shuongei haoen kümsilei kho khünyet lolo thonkei, ao shanga püetbü akitei dogo lekei. Khoei haoen tang khida, khauang sepei lele bakou khinkhümashi dogo lauko, hoba haoen haibü shuong thamngu thüka chia atkulabü dogo theyokei.
26 1Ho chaloua Jihuda kaonyeka ho chia laulabü: Seneibü kaangkhühbü sangnyu che ki; haoei khümenbü to ba hoba lapheishon shanga kümda. 2Bakou shuong ipbushi, saopobü phang atlabü— mailem jungeibü phang kho atlabü. 3Nyi thüka maangpon takletbü müt kho, penbüsoubü sangmaia nyi jungeida, aishanga haoei nyi to mailemda. 4Seneibü Bou to ponpen mailemashi, aishanga seneibü Bou kho ponpen thon akibü Laang ki. a a v4 Laang kho Laishibaa seneibü Bou shanga nyen chia shaangbü shuong yoa che ki. Kaangkhühbü, ashianlabü hoba maanglembü—haoei hao to mailembü langkei pendoueibü phanga kibü ashianlabü lemshang ki. 5Aishanga haoei yantikei, suokbüa kibü shuong, shanenbü sangnyu kho haoei yantikei, kao sühko yantikei, thamngu sühko shemetlangtikei. 6Youei kho nyemtida— shalebü you, khambü younak kho nyemtida. 7Saopobü müteibü lamnyu lenglengtham ki; nyi saopobü lamnyu tangsheitham yeitida. 8Kaibü ngühmai matjem lama, seneibü Abou, künei nyi to chüheida; kaibü nyen hoba kaibü nyenshen kho küneibü soushoueibü mangsühbü ki. 9Khüyou ka ngeibü soushouei nyi to maikuda; ngeibü maanga kü soushouei nyi to aicheküman lamda. Aishanga kaibü ngühmai matjem kaodak to loulaje, kaodak ka kibü shuongei saopobü kho ditletlabü. 10Amaibü müt to onou kulaje, haoei saopobü aditletlabü; lanbü kaoa haoei amaiko jungeida hoba seneibü Bou yaangenbü ahapda. 11Seneibü Abou, kaibü ik tonenan ki, lausikei haoenei kho ahapda. Kaibü mütli shanga kaibü maangdakei haoenei hapan himouko kiashi. Kaibü dangbou shuong shanga tenkubü wanei haoen shaukhümbushi. 12Seneibü Abou, nyi sangmai sen shanga pholabü, aishanga nyi maimaitham seneibü kümsilei pendou sen shanga kümwantia. 13Seneibü Abou, nyi to limbo lubü bunyu shuongei sen thüka songdakkei, lausikei künei kaibü nyen along damenda. 14Haoen haikei, haoen alangkeilabü; haoen haibü soushou ki, haoen aloenlabü; aishanga nyi mautibü haoen thüka loukei hoba haoeneibü damenbü pendou apbukei. 15Nyi phang kho juonga, seneibü Abou, nyi phang kho juonga; nyi soneikanga; nyi kaonyek leilang pendou ongkei. 16Seneibü Abou, khonsak ka haoenei nyi to lambei; kaibü tangtikubü haoen thüka kijinei haoenei hangsho welaubü koukei. 17Shou bukla sühbü, nabukshat khonkuko ngekbü mang akongko apbü yaksa tegü, kho tegü künei nyi thedanga kikei, seneibü Abou. 18Künei mang akongko apbei, künei nabukshat khonkukei, lausikei künei yei along bukkei. Künei kaodak to khümenbü akitei, hoba kaodak ka kibü shuong abukkei. 19Kaibü haibü shuong langkeibü; haoeneibü mang loenlabü. Piashi hoba olinko chia atkushi, thamngu ka kibü kan! Aishanga kaibü nin kho langesao nin ki, hoba kaodakei haibü soushou shuong bukkulabü. 20Loushi, kü mütli shuong, kaneibü shemjang to atshi hoba kaneibü kouyem shuong kan nahtüka khinashi; shisho shanga kanei kan lolo thoshi, khauang danjung hauan shongko.
21Aishanga chühashi, seneibü Bouei kaodakbü mütshuong to haoeneibü shabü shanga shieikoela shanga, haoeibü kishang ka longlabü, hoba kaoei kho thüka angtibü sii thangetlabü, hoba khünei haitibü shuong touje aküplablabü.
