No Kü Bou Ki
Püetan satenbü cheei hao khulimbo laangbü kaangbü sangnyu amaatibü hoba khonsaka shalebü shuong shieikoebü Bou to chia lauda. Latetche haoei müt pendou shanga haabü shausiyung lem khümsok phoda, haibü suian apda, hoba thenyek pendou ka nyeksi apbuda.
25 1No kü Bou ki; ngei no yaangentilabü, ngei kaibü nyen sanglabü, aishanga nyi maangpanglabü peisilei kümbei—khübü shangiednyu lamlebü, maimaithambü hoba takteibü ki. 2Aishanga nyi sangnyu che laangshang la yeitikei, laang baei kailepbü sangnyu che leilubü la yeitikei; yenbou shuongeibü chem tou sangnyu aying—kho ladangkei nyibou akümetlabü. 3Khoei hau kibü mütshuongei no to soumo hatlabü; kaangbü phangshuongeibü sangnyu no to hatlabü. 4Aishanga no shalebü shanga satenshang, khambü shuong haoeneibü khonsaka satenshang, menlang ka satenshang, hoba chanyu aubü ka yeme yeia; aishanga kaangbü shuongeibü hak kho kümthang khulimbo menlang tegü ki. 5Khamsibü kaonyeka aubü tegü, nyi yenbou shuongeibü ngühbü yaang letikei; sangmei yemekou khoei aubü lotbü tegü, kho tegü kaangbü shuongeibü chia üanglabü. 6Ho shongh thüka lakjaibü dan Bouei müt pendou shanga haabü shausiyung lem, ih sebü lem, maiboutham shausiyung hoba ih sebü maibü lamleilabü. 7Hoba ho shongh thüka haoei müt pendou khuileplabü yuklepbü nei, phangshuong pendou thüka seikubü thangbü nei suilabü. 8Haoei haibü ponpen shanga suian aplabü; hoba Thükenbou Bouei thenyek pendou ka nyeksi apbulabü, hoba haoei hao mütli himou kaodak pendou ka kuktilabü—aishanga seneibü Bouei laukei. a a v8 Paulei ho ngühli Jisu sisiksep thükenbüa jungeida — “Haibü kho thükenbüa suian apa” (1 Kor 15:54). Bou theletbü ho khüyou nyümbüa thonsemda; seneibü Bouei nyeksi pendou apbubü chalou kho haibü thükenbü Shouei ipbukei.
9Hoba kho chaloua laulabü, “Chühashi, ho seneibü Bou ki; senei hao chüheikei, hoba haoei sen khümenkei. Ho Bou ki; senei hao chüheikei— sen hao khümenbüa olinyoakho hoba maang haiyoakho.” 10Aishanga seneibü Bou ik ho shongh thüka haksolabü, lausikei Moab jembü kishang ka lintilabü, thime püngkhüna youho lintibü tegü. b b v10 Moab kho Jordan dei chaang aenei kabü shangiednyu chung che kikei, Israeleibü shangiednyu dangbou che, hanei Mühghaü to khulimbo kibü pendoueibü yemeko tegü leda. 11Haoei Moab jembo hao ik shinglabü, deia khalla müt cheei hao ik shingbü tegü, lausikei haoei haoeneibü lilibü haoeneibü ik hangsilam yoan yantilabü. 12Kaibü lapheishoneibü kümthang juong haoei yantilabü, naklepan, hoba kaoa, thamngu ka hakan aplabü.
