Mukiri mukura muri Data

Abakorinto barigabura mu mice y'abafana, umwe ati ndi uwa Paulo, uwundi ati ndi uwa Apolo, Paulo akabita uruyoya. Uwutera n'uwuvomera nta co bari; Data ni we akuza. Ico umuntu wese yubaka ku mushinge umwe kizogaragazwa n'umuriro.

Igice 3.

Bavukanyi banje, sinashoboye kuvugana namwe nk’abantu ba Mpwemu, ahubwo nk’abantu b’umubiri, nk’impinja muri Kristo. Nabahaye amata, atari ibifungurwa bikomeye, kuko mutari mwariteguriye. N’ubu nyene muracari mudateguriye. Muracari ab’umubiri. Ko ishari n’amahane biri muri mwebwe, mbega ntmuri ab’umubiri, mukabaho nk’uko abantu babaho? Kuko igihe umwe avuga ati: “Jewe ndi uwa Paulo,” uwundi na we ati: “Jewe ndi uwa Apolo,” mbega ntimuba mukora nk’abantu bisanzwe?

None Apolo ni iki? Paulo na we ni iki? Ni abasavyi mwizeye biciye kuri bo, umwe wese nk’uko Umwami yamuhaye. Jewe naratereye, Apolo arusukira amazi, ariko Data wa twese ni we yabikujije. Ni co gituma uwuteye canke uwusukira amazi ata co ari, atari Data wa twese wenyene abikuza. Uwuteye n’uwusukira amazi ni umwe; umwe wese azoronka impembo yiwe bwite nk’uko yagize umuruho wiwe bwite. Kuko turi abakozi dukorana na Data wa twese; mwebwe muri umurima wiwe, muri inyubakwa yiwe.

Nkurikije ubuntu Data wa twese yampaye, narashinze umusingi nk’umwubatsi w’umuhanga, maze uwundi aravyubakiraho. Umwe wese niyitegereze ingene avyubakiraho. Kuko nta wushobora gushinga uwundi musingi utari uwo wamaze gushingwa, ari wo Yesu Kristo. Nimba umuntu yubatse kuri uwo musingi azana inzahabu, ifeza, amabuye y’igiciro kinini, ibiti, ivyatsi canke ibishushi, igikorwa c’umwe wese kizogaragara, kuko wa Musi uzokigaragaza, kubera ko umuriro uzogishira ku kabarore, kandi uwo muriro nyene uzogerageza ubwoko bw’igikorwa c’umwe wese. Nimba igikorwa umuntu yubatse kizoguma, azoronka impembo. Nimba igikorwa c’umuntu kizosha, azohomba, ariko we nyene azorokorwa, mugabo ni nk’uwuciye mu muriro.

Mbega ntimuzi ko muri urusengero rwa Data wa twese, kandi ko Mpwemu wa Data wa twese aba muri mwebwe? Nimba umuntu asambuye urusengero rwa Data wa twese, Data wa twese azomusambura. Kuko urusengero rwa Data wa twese ni rwera, kandi urwo rusengero ni mwebwe.

Ntihagire uwishuka. Nimba hariho umuntu muri mwebwe yibwira ko ari umuhanga muri iki gihe, nabe umupfu, kugira ngo abe umuhanga. Kuko ubwenge bw’iyi si ari ubupfu imbere ya Data wa twese. Kuko mu Vyanditswe handitswe ngo: “Afata abahanga mu bugunge bwabo,” kandi na none ngo: “Data wa twese arazi ivyiyumviro vy’abahanga, ko ari imfabusa.” Ni co gituma ntihagire uwirata abantu. Kuko ibintu vyose ari ivyanyu, yaba Paulo canke Apolo canke Kefa, canke isi canke ubuzima canke urupfu, canke iki gihe canke ibizoza, vyose ni ivyanyu, namwe muri aba Kristo, na Kristo ni uwa Data wa twese.