1 கொரிந்தியர் 3

3 ¹சகோதர சகோதரிகளே, நான் உங்களோடு ஆவிக்குரியவர்களாய்ப் பேசக்கூடாமல், மாம்சத்துக்குரியவர்களாய்—கிறிஸ்துவில் குழந்தைகளாய்ப் பேசவேண்டியதாயிற்று. ²நீங்கள் இன்னும் தயாராயிராதபடியால், நான் உங்களுக்குப் பாலைக் கொடுத்தேனேயன்றி, திடமான ஆகாரத்தைக் கொடுக்கவில்லை. இப்பொழுதும் நீங்கள் தயாராயிருக்கவில்லை. ³நீங்கள் இன்னும் மாம்சத்துக்குரியவர்களாயிருக்கிறீர்கள். உங்களுக்குள்ளே பொறாமையும் விரோதமும் இருக்கிறபடியால், நீங்கள் மாம்சத்துக்குரியவர்களாய், மனுஷ வழக்கத்தின்படி நடக்கிறவர்களல்லவா? ⁴ஒருவன், “நான் பவுலைச் சேர்ந்தவன்” என்றும், மற்றொருவன், “நான் அப்பொல்லோவைச் சேர்ந்தவன்” என்றும் சொல்லும்போது, நீங்கள் வெறும் மனுஷரைப்போல் நடக்கிறவர்களல்லவா?

⁵அப்படியானால் அப்பொல்லோ யார்? பவுல் யார்? நீங்கள் விசுவாசிக்கும்படி உங்களுக்கு ஊழியஞ்செய்தவர்களே; கர்த்தர் ஒவ்வொருவனுக்கும் அருளினபடியே செய்தார்கள். ⁶நான் நட்டேன், அப்பொல்லோ நீர்ப்பாய்ச்சினான், ஆனாலும் எங்கள் பிதா விளையச்செய்தார். ⁷ஆகையால் நடுகிறவனாகிலும் நீர்ப்பாய்ச்சுகிறவனாகிலும் ஒன்றுமில்லை; விளையச்செய்கிற எங்கள் பிதாவே எல்லாம். ⁸நடுகிறவனும் நீர்ப்பாய்ச்சுகிறவனும் ஒன்றாயிருக்கிறார்கள்; ஒவ்வொருவனும் தன் சொந்த வேலைக்குத்தக்கதாகத் தன் சொந்தப் பலனைப் பெறுவான். ⁹ஏனெனில் நாங்கள் எங்கள் பிதாவின் உடன்வேலையாட்கள்; நீங்கள் அவருடைய நிலமும், அவருடைய கட்டிடமுமாயிருக்கிறீர்கள்.

¹⁰எங்கள் பிதா எனக்கு அருளிய கிருபையின்படியே, நான் ஞானமுள்ள சிற்பாசாரியைப்போல் அஸ்திபாரம் போட்டேன், மற்றொருவன் அதின்மேல் கட்டுகிறான். ஒவ்வொருவனும் அதின்மேல் தான் எப்படிக் கட்டுகிறான் என்று எச்சரிக்கையாயிருக்கக்கடவன். ¹¹ஏனெனில் இயேசு கிறிஸ்துவாகிய, ஏற்கெனவே போடப்பட்டிருக்கிற அஸ்திபாரமேயன்றி, வேறே அஸ்திபாரத்தை ஒருவனும் போட முடியாது. ¹²இப்போது ஒருவன் இந்த அஸ்திபாரத்தின்மேல் பொன், வெள்ளி, விலையேறப்பெற்ற கல், மரம், புல், வைக்கோல் என்பவைகளால் கட்டினால், ¹³அவனவனுடைய வேலைப்பாடு வெளியரங்கமாகும்; ஏனெனில் அந்த நாள் அதை வெளிப்படுத்தும், அது அக்கினியால் வெளியாக்கப்படும், அந்த அக்கினியே அவனவன் வேலைப்பாடு எத்தன்மையானது என்று சோதித்துக் காண்பிக்கும். ¹⁴ஒருவன் கட்டினது நிலைத்திருந்தால், அவன் பலனைப் பெறுவான். ¹⁵ஒருவனுடைய வேலைப்பாடு வெந்துபோனால், அவன் நஷ்டமடைவான்—ஆனாலும் தான் இரட்சிக்கப்படுவான்; அது அக்கினியின் வழியாய் தப்பினதுபோலிருக்கும்.

¹⁶நீங்கள் எங்கள் பிதாவின் ஆலயமாயிருக்கிறீர்களென்றும், எங்கள் பிதாவின் ஆவி உங்களில் வாசமாயிருக்கிறாரென்றும் அறியாதிருக்கிறீர்களா? ¹⁷ஒருவன் எங்கள் பிதாவின் ஆலயத்தை அழித்தால், எங்கள் பிதா அவனை அழிப்பார். ஏனெனில் எங்கள் பிதாவின் ஆலயம் பரிசுத்தமாயிருக்கிறது, அந்த ஆலயம் நீங்களே.

¹⁸ஒருவனும் தன்னைத்தானே வஞ்சித்துக்கொள்ளாதிருக்கக்கடவன். உங்களில் ஒருவன் இந்த உலகத்தில் தன்னை ஞானியென்று எண்ணினால், அவன் ஞானியாகும்படி பைத்தியக்காரனாகக்கடவன். ¹⁹ஏனெனில் இந்த உலகத்தின் ஞானம் எங்கள் பிதாவுக்கு முன்பாகப் பைத்தியமாயிருக்கிறது. வேதவாக்கியம் சொல்லுகிறபடி, “ஞானிகளை அவர்களுடைய தந்திரத்திலே பிடிக்கிறார்” என்றும், ²⁰மறுபடியும், “ஞானிகளுடைய சிந்தனைகள் வீணானவைகள் என்று எங்கள் பிதா அறிந்திருக்கிறார்” என்றும் எழுதியிருக்கிறது. ²¹ஆகையால் ஒருவனும் மனுஷரைக்குறித்து மேன்மைபாராட்டவேண்டாம். ஏனெனில் எல்லாம் உங்களுடையவைகள்; ²²பவுலானாலும், அப்பொல்லோவானாலும், கேபாவானாலும், உலகமானாலும், ஜீவனானாலும், மரணமானாலும், நிகழ்காலமானாலும், வருங்காலமானாலும்—எல்லாம் உங்களுடையவைகள்; ²³நீங்களோ கிறிஸ்துவுடையவர்கள், கிறிஸ்து எங்கள் பிதாவுடையவர்.