Jeremiahna Awui Avāwui Bicharwui Pongli Hānga
Jeremiahna awui Avāli ngasotlak eina ngahanga: khiwui vang eina ning makatharbingna reisang-leihao? Ngahānkhamang chiya kachiwui vang kaji mahāngmana, ngāralungli kakhanang akha rārāda lei da hāngmi: shongzā ngakhuikabingna nali tāpop ngasakhaikha, siguibingli kathāda ngakhuirarra — kala nachinā ngarā shimkhurna nali ngasunghaira. Ithumwui Avāna ana horsangmihai kaji ngalei chiwui vang ning nganunga.
12 1O iwui Avā, iwui tuingaphun nawui mangāli khuirā tharan nava khamashungana; kha nawui bicharwui pongli nali hāng ngaina. Khisāda makhayābingwui apong mataisangkhala? Khisāda mashitkasangabingna saikora leiyāsorhai okthuikhala? 2Nana athumli lingsanga, kala athum angayung sa̱vai; athum haksangda athei shokra. Na athumwui khamorli rāki, kha athumwui ningwui eina tāthuina. 3Kha na, O iwui Avā, ili theisera; nana ili yangmi, kala iwui ning chi chāng khayang. Taithat khavai yao thāda athumli khuithui khuilu, kala taithat zimikshowui vang athumli ngarānlu. 4Karankharakhala ngalei sifada lui kachiva̱wui khawo thengkhala? Chiwui alungli okathuibingwui makaphā chiwui vang, sāyurbing kala vānaobing shimānserhaira; kaja mibingna "Ithumli khi shokkahai chi ana matheimara" da hānga.
Avāna Jeremiahli Ngahānkā
5Na pheina shongzā khangakhuibingli ngasamlatta khangasaka, kala athumna nali chotchāng ngasakakha, kathāda nana siguibingli ngareoyangra? Chingri kahai ngaleili na ngaphokakha, Jordanwui ngahongli na khina sāra? 6Kaja nachinā ngarā maningla, kala nawui avāwui shimkhur, athumna maningla nali yansaira; athumna maningla panglāk eina nawuitungli vaohaira. Athumna nali kaphā tui hānglala, athumli mahorsangalu. 7Ina iwui shim horhaihaira, iwui shimluikat malaihaira; iwui ning leikashe chi ina awui yangkashebingwui pāngli haihaira. a a v7 Awui mibingli hankashok tharanla, ithumwui Avā akhalattawui ning leikashi chi hankashok mi thāda wukkhananghaira — hi Avāli katonga sāhankhame bicharna. 8Iwui shimluikat chi iwui vang ngahongwui kazingkha̱ thāda sāhaira; ana iwuitungli khanganghaira, chiwui vang ina awui yangkashe ngasāhaira. 9Iwui shimluikat chi iwui vang chukpom khalāng akhala, awui vang khalāngbing khaleishong eina kuimarei ngasakkhala? Vālu, sāyur kachiva̱ saikorali rākazipserlu; athumli tukshai khavai khuirālu. 10Yaokahoma kachungkhana iwui drakhā yāmgui sākazamhaira; athumna iwui yar chi phei eina naikazamhaira; iwui leishiri kahai yar chi ramcho lamhāng sāhaira. 11Athumna chi ramcho sāhaira; ramcho sāda iwui mangāli china sifaya. Ngalei katonga ramphomihaira, kha mi akhana chi ningli mahaimana. 12Lamhāngli ja̱tā kahai juimei saikoratungli sākakhayāngabing rāhaira, kaja iwui raighaina ngaleiwui akom akhawui eina akom akha peida tukshaihaira; mi akhana khamayon khavai maleimara. 13Athumna kehu vāsanghaira kha ka̱shāt hātkhuihaira; athumna khalattali nothā vang eina chotchāng ngasakhaira. Iwui malungkhavātwui vang, nawui heiunbingwui vang khayaklu.
14Ithumwui Avāna hithāda hānga: Iwui mi Israelli ina haikahai shimluikat chi ngapaikhui iwui makaphā khongnaibing saikorawui pongli, athumli athumwui ngaleiwui eina ina phurshokra, kala athumwui ngachaiwui eina Judah shimkhurli phurshokra. 15Athumli phurshok kahaiwui thili, ina ngareiungra, athumli khalumashanmira, kala athum kachiva̱li awui shimluikatli, kachiva̱li awui ngaleili latung ngasakra.
16Athumna iwui mibingwui apong chi kachangkhat eina sha̱khuiakha, athumna iwui mibingli Baalli mingzaida khavai tamkhui ngasakkahaiwui athishurda iwui mingli 'Nawui Avā leilakha eina tangda' da mingzaiakha, athum iwui mibingwui ngachaili sākakāhaora. 17Kha nganā masā kachikathā yur akha eina tangda, ina katonga phurshokta sāshimānra, da nawui Avāna hānga.
