Jeremia Oorĩria Kĩhooto kĩa Ithe wake
Jeremia akooria Ithe wake ategũthiũrũrũka kĩrĩa gĩtũmaga ahenania matũũre matekũnyamarĩka. Macookio matiheana gĩtũmi, no moigaga atĩ mbere kũrĩ thĩ ĩrĩ hinya makĩria: angĩkorwo andũ a magũrũ nĩmakũnogagia, mbarathi ikĩ? Na andũ a nyũmba yaku nĩmakũgarũrũkĩire. Ithe witũ ena kĩeha nĩ ũndũ wa bũrũri ũrĩa aaneanire.
12 1Wee wĩ mũthingu, Awa wakwa, rĩrĩa rĩothe ndareeta ciira wakwa mbere yaku; o na kũrĩ ũguo nĩngwenda kwaria nawe ũhoro wa matuĩro maku. Nĩkĩĩ njĩra ya andũ aaganu ĩgaacagĩra? Nĩkĩĩ andũ arĩa oothe makunyanaga matũũraga na thaayũ? 2Wee nĩwamahaandire, nao makĩgĩa na mĩri; nĩmakũraga magaciara maciaro. Wee ũrĩ hakuhĩ tũnuainĩ twao, no ũrĩ kũraya na ngoro ciao. 3No wee, Awa wakwa, nĩũnjũũĩ; nĩũnyonaga, na ũgĩthima ngoro yakwa ũrĩa ĩrĩ harĩ wee. Makururie ta ng'ondu cia gũthĩnjwo, na ũmaige keheri nĩ ũndũ wa mũthenya wa gũthĩnjwo. 4Nĩ nginya rĩ bũrũri ũgũikara ũgĩcakaya na nyeki ya mĩgũnda yoothe ĩkũhooha? Nĩ ũndũ wa waganu wa arĩa matũũraga kuo, nyamũ na nyoni nĩithererio—nĩgũkorwo andũ makoiga atĩrĩ, “Ndakoona ũrĩa tũgaatuĩka.”
Ithe Acookeria Jeremia
5Angĩkorwo nĩũteeng'eranĩte na andũ arĩa matengaga na magũrũ nao magagũnogia, ũngĩkĩhoota atĩa gũteeng'erania na mbaarathi? Angĩkorwo nĩũhĩngagwo bũrũriinĩ wa thaayũ, ũgeeka atĩa ihingainĩ cia Jorodani? 6Nĩgũkorwo o na ariũ a thooguo na nyũmba ya thooguo—o nao nĩmagũkunyanĩire wee; o nao nĩmaanĩrĩire mũno magũũkĩrĩra wee. Ndũkamehoke o, o na mangĩkwĩra ciugo njega. 7Nĩndirekereirie nyũmba yakwa, nĩndatiganĩirie igai rĩakwa; nĩndaneanĩte mwendwa wa ngoro yakwa mookoinĩ ma thũ ciake. a a v7 O na rĩrĩa araaneana andũ aake, Ithe witũ nĩacakayaga ta mũndũ ũrarekia wendani wa ngoro yake mwene — ituĩro rĩa ciira rĩrĩa rĩgũrĩire Ithe maũndũ maake mothe. 8Igai rĩakwa rĩtuĩkĩte harĩ niĩ ta mũrũũthi mũtitũinĩ; nĩrĩndaramĩire niĩ, nĩ ũndũ ũcio nĩndarĩũkĩrĩire. 9Igai rĩakwa-rĩ, nĩ nyoni ĩrĩ maroro ĩrĩĩaga nyama harĩ niĩ, nyoni iria ingĩ ciĩaga nyama igĩthiũrũrũkĩria mĩena yothe? Thiĩ ũcookanĩrĩrie nyamũ ciothe cia gĩthaka; ũcirehe irĩĩanĩre. 10Arĩithi aingĩ nĩmanangĩte mũgũnda wakwa wa mĩthabibũ; nĩmarangĩrĩirie gĩcunjĩ gĩakwa na magũrũ; nĩmagarũrĩte gĩcunjĩ gĩakwa kĩega gĩgĩtuĩka werũ mwanangĩku. 11Nĩmaũtuĩte werũ; ũrĩ mũkiritũ, nĩũcakayaga mbere yakwa. Bũrũri wothe nĩwanangĩku, no gũtirĩ mũndũ ũigaga ũhoro ũcio ngoroinĩ yake. 12Igũrũ rĩa tũrĩma tuothe tũtheri werũinĩ aanangi nĩmokĩte, nĩgũkorwo rũhiũ rwakwa rwa njora nĩrũrĩĩanaga kuuma mũthia ũmwe wa bũrũri nginya ũrĩa ũngĩ; gũtirĩ mũndũ ũrĩ na thaayũ. 13Nĩmahaandĩte ngano no magĩketha mĩigua; nĩmenogetie tũhũ. Conokai nĩ ũndũ wa magetha manyu, nĩ ũndũ wa marakara makwa mahiũ.
14Ũũ nĩguo Ithe witũ ekuuga atĩrĩ: Ha ũhoro wa andũ arĩa othe aaganu tũriganĩtie arĩa manyiitĩte igai rĩrĩa ndaaheire andũ akwa a Isiraeli—nĩngamamunya kuuma bũrũriinĩ wao, na munye nyũmba ya Juda kuuma gatagatĩinĩ kao. 15Ndaarĩkia kũmamunya, nĩngacooka ndĩmaiguĩre tha, na njookie o mũndũ igaiinĩ rĩake, o ũmwe bũrũriinĩ wake.
16Mangĩkĩĩruta na ma mĩtugo ya andũ akwa—makĩĩhĩta na rĩĩtwa rĩakwa makiugaga atĩrĩ, ‘Ta ũrĩa Ithe wanyu atũũraga muoyo,’ o ta ũrĩa maarutire andũ akwa kwĩhĩta na Baali—nĩmagaakwo gatagatĩinĩ ka andũ akwa. 17No rũrĩrĩ o ruothe rũrĩa rũtangĩthikĩrĩria, nĩngarũmunya biũ na ndũnange, ũguo nĩguo Ithe wanyu ekuuga.