Ithumwui Avāna Hānghaira
Khrista hi kazingraoli ngasoda, Mosili ngasoda kala khangarong pukhakashangli ngasoda khangarong ni da kachithei tuingashit kasangkhui—ithumwui Avāwui lamli lam kaphung Pukhakashang Kaphungva.
1 1Achālakha atam kachungkha kala apong kachungkha eina kazingramli khalei ithumwui Avāna marānbing mangā eina ithumwui avā ngarāli hānga. 2Kha khanaowa atam hili ana awui Naomayara mangā eina ithumli hānga; ana ali ot saikorawui shimluikatpana kapangkhui, kala awui mangā eina apuk-apagva̱ sākhui. 3Anaomayara hi ithumwui Avāwui tekhamateiwui kahān, awui phasāwui tāzak sakrin, kala awui pangshap tui eina ot saikora phunmi kahaina. Morei sāmathā kahaiwui thili, ana kajuipamli khalei Khangamkharei yāshongli pama. 4Awui heiror kahai ming hi kazingraobingwui mingli lāngda reimei kahai thada, ana kazingraobingli lāngda reimei ngasāhaowa.
5Kaja kazingraobingwui alungwui khipāli ithumwui Avāna, "Na iwui Naomayarana; aja ina nawui Avā ngasāhaira" da hānghaikala? Kala latluida, "Ina awui Avā ngasāra, kala ana iwui Naomayara ngasāra" da hānghaikala? a a v5 Ithumwui Avāna hili achā Kadharawui ngashit khani — Zabur 2 kala Davidli ngashit kahai — chiwui tui hānga, kala sākahai Kadharana china Jishu, katang makhavai Naomayarali ungshunghaira da chitheimi.
Kazingraobing Lāngda Reikhamei
6Kala latluida ana pharākhare Naomayarali okathuili horā tharan hithada hānga, "Iwui kazingrao saikorana ali khorumranu. 7Kazingraobingwui pongli ana hānga, "Ana awui kazingraobingli masi sāngasaka, kala awui raobingli meiwon sāngasaka."
8Kha Anaomayarawui pongli ana hānga, "O Vare, nawui wungpamkhong mashimānda mashimānla lei, kala khamashung khangarongwui khānthing chi nawui wungramwui khānthingna. b b v8 Hi achā Kadharawui kapi kahai tuili, ithumwui Avāna Anaomayarali hānghaida ali Vare da phoka — Anaomayara hi Avā thāda Varena da Lairik Katharana tāzak thangda hāngkhui kahaina. 9Nana khamashung khangarong chi leishi kala makaphā makhayāli yangkharinga; chiwui vang eina ithumwui Avā, nawui Avāna, nali khamathānwui thao eina nawui ngasotnaobingli lāngmeida neomihaira.
10Kala, "Haokaphokli, O Proho, nana okathui khaning khavai sai, kala kazingrambing hi napāngwui themsakna. c c v10 Avāna hili Anaomayarali Proho da phokta hānga, ali okathuiwui khaning khavai kasā chila phoka. Anaomayarawui otsem sākhui, tui 2li hāngkahai chi, ara Avā khalattana phoka. 11Athum shimānra, kha nava leichingra; athum saikora kachon thāda kakhaora. 12Nana athumli phahon thāda longra; kachon thāda chan ngasakra. Kha nava chichinga, kala nawui zingkum katang mavaimana.
13Kha kazingraobingwui alungwui khipāli ithumwui Avāna, "Iwui yāshong pamlu, nawui yangkashebingli nawui pheinai masā ngasakranglakha eina tangda" da hānghaikala?"
14Kazingrao saikora hi otram ngatha̱ manglābing, huikhami samphang khavai khaleibingli ngachonmi khavai kashirāt maningsermala?
