Baba wathu Alonga
Ntsonkhano wakuzika unapangiza Kirixtu kuti ndi wankulu kupiringana aanju, Mozesi, na unyantsembe wakale—Nyantsembe Wankulu anafungula njira yakuenda kuna Baba wathu.
1 1Kale kakamwe, m'midzidzi mizinji na m'njira zizinji, Baba wathu wa kudzulu alonga na ambuya athu kubulukira mwa aprofeta. 2Mbwenye m'ntsiku zino zakumalisa, Iye alonga na ife kubulukira mwa Mwana wace, ule adansankhula toera akhale nyakupokera pinthu pyonsene, pontho kubulukira mwa Iye acita dziko yonsene. 3Mwana ndiye kuyetimira kwa mbiri ya Baba wathu, cifanizo candimo mwene ca khalidwe yace, mbakoyera pinthu pyonsene na fala yace yamphambvu. Pakumala kucenesa madawo, Iye akhala pa djanja yamadyo ya Ukulu wa kudzulu. 4Iye akhala nkulu kakamwe kupita aanju, ninga dzina idapokera Iye iri yaikulu kupita dzina yawo.
5Thangwi ndi anju wupi adalongera Baba wathu kuti: “Imwe ndimwe Mwana wanga; lero ndakhala Baba wanu”? Peno pontho: “Ine ndinakhala Baba wace, Iye anakhala Mwana wanga”? a a v5 Pano Baba wathu asalonga mafala a mapikiro mawiri a Cipangano Cakale — Masalmo 2 na cipikiro kuna Dhavidhi — pontho Cipangano Cipsa cisapangiza kuti mapikiro anewa asakwanisika mwa Yezu, Mwana wakukhonda kumala.
Padzulu Kakamwe pa Aanju
6Pontho, pidabweresa Iye woyamba kubalwa pa dziko yapantsi, alonga kuti: “Aanju anga onsene mbam'lambire Iye.” 7Thangwi ya aanju, Iye asalonga kuti: “Iye asacita aanju ace kukhala mphepo, na atumiki ace kukhala malawi a moto.”
8Mbwenye thangwi ya Mwana, Iye asalonga kuti: “Mpando wanu waumambo, Imwe Mulungu, uli kwenda na kwenda, na ndodo yakulungama ndi ndodo ya umambo wanu. b b v8 M'mafala awa a Cipangano Cakale, Baba wathu asalonga na Mwana mban'cemera Mulungu — kutawira kwakubveka kakamwe m'Biblya kuti Mwana ali na umulungu ubodzi ene na Baba. 9Imwe mwafuna kulungama mbaida kuipa; natenepa Baba wathu, Baba wanu, akudzodzani na mafuta a kutsandzaya kupita andzanu.”
10Pontho: “Pakutoma, Mbuya, Imwe mwaikha maziko a dziko yapantsi, na kudzulu ndi basa ya manja yanu. c c v10 Pano Baba asalonga na Mwana mban'cemera Mbuya, mbampangiza kuti ndiye adaikha maziko a dziko yapantsi. Basa yakucita pinthu ya Mwana, idalongwa mu vesi yaciwiri, cincino isalongwa na Baba ene. 11Pyenepi pinafudzika, mbwenye Imwe munakhalabe; pyonsene pinakalamba ninga nguwo. 12Imwe munapipheta ninga kanju; ninga nguwo pinacinjwa. Mbwenye Imwe ndimwe ibodzi ene, na pyaka pyanu nkhabe kumala.”
13Mbwenye ndi anju wupi adalongera Baba wathu kuti: “Khalani pa djanja yanga yamadyo mpaka ndicite anyamalwa anu kukhala cakuponderera miyendo yanu”?
14Kodi aanju onsene nkhabe kukhala nzimu zakutumikira, zidatumwa toera kutumikira ale ali cifupi kupokera upulumuki?
