Lekani Kutsukululwa
Thangwi dziko lomwe likudza nee lidaperekwa kwa angelo mbwenye kwa anthu, na thangwi ana ambagawana nyama na ciropa, Mwana adatambira nyama kubodzi kwene, kuti aphwanye mphambvu ya kufa mbaombola ale omwe akhadamangwa moyo wawo onsene na kugopa kufa. Pakuyezwa iye ene, iye ambaphedza ale omwe ambayezwa.
2 1Na tenepo, tisafunika kubvesera mwadidi kakamwe pinthu pidabva ife, toera tikhonde kutsukululwa. 2Thangwi fala idalongwa kubulukira mwa aanju ingakhala yakuwanga, pontho cakuipa consene na kukhonda kubvera pyatambira nyadharo yakuthema, 3ife tinathawa tani tingapwaza upulumuki ukulu kakamwe ninga unowu? Upulumuki unowu waandzwa pakutoma na Mbuya, mbukhwimiswa kuna ife na ale adam'bvera Iye, 4mu ndzidzi ubodzi ene, Baba wathu aperekambo umboni pabodzi na iwo kubulukira mu pidzindikiro, pyakudzumatirisa, pirengo pyakusiyana-siyana, na kugawa kwa Nzimu Wakucena, mwakubverana na cifuno cace.
Dziko Yakudza
5Thangwi Baba wathu nee aikha dziko yakudza, inalonga ife, pantsi pa utongi wa aanju tayu. 6Munthu unango apereka umboni pa mbuto inango, mbalonga: “Munthu ndi cani, toera Imwe mun'kumbuke iye, peno mwana wa munthu, toera Imwe mun'samalire iye? 7Imwe mwancita iye, mu kanthawi kakucepa, wakucepa kupiringana aanju; mwambvekesa nkhata ya mbiri na ulemu, 8mbaikha pinthu pyonsene pantsi pa miyendo yace.” Cincino, mu kuikha pinthu pyonsene pantsi pa utongi wace, Baba wathu nee asiya cinthu nee cibodzi kunja kwa mphambvu yace. Mbwenye, mpaka cincino, nee tisaona pinthu pyonsene pidaikhwa pantsi pa Kirixtu tayu.
9Mbwenye tisaona Yezu, ule adacitwa wakucepa kupiringana aanju mu kanthawi kakucepa, cincino mbabvekeswa nkhata ya mbiri na ulemu thangwi abonera kufa, toera kubulukira mu kukoma ntima kwa Baba wathu, iye alawe kufa m'malo mwa anthu onsene.
10Pikhali pyakuthema kuti Baba wathu, ule pinthu pyonsene piripo thangwi ya Iye na kubulukira mwa Iye, ankwanirise ntsogoleri wa upulumuki wawo kubulukira mu kubonera, mbaafikisa ana azinji ku mbiri. 11Ule anacenesa na ale anacenesewa, onsene asabuluka kuna Baba m'bodzi. Na thangwi ineyi, iye nkhabe kucita manyadzo kuacemera abale ace, a a v11 Ale anaceneswa na Yezu asagawana Baba wace—iwo asabwezerwa mu banja ibodzi ene idakhala Iye kwenda na kwenda. Iye nkhabe kucita manyadzo kuacemera abale ace.
12mbalonga: “Ndinadziwisa dzina yanu kuna abale anga; ndinakusimbani na nyimbo pakati pa mpingo.”
13Pontho alonga: “Ndinakhulupira Iye.” Pontho alongambo: “Ndiri pano Ine, pabodzi na ana adandipasa Baba wathu.” b b v13 Yezu asalonga mafala awa adabuluka mu profesiya ya Izaiya, mbadzipangiza iye ekha pabodzi na ana adaperekwa kwa iye na Baba wathu — banja ibodzi, Baba m'bodzi.
14Nakuti ana asagawana manungo na ciropa, Iye-mbo agawana pinthu pibodzi pyeneci, toera kubulukira mu kufa, afudze ule ana mphambvu ya kufa—Dyabu, 15pontho kusudzula onsene ale akhakhala mu ubitcu masiku onsene a umaso wawo thangwi ya kugopa kufa. 16Thangwi, mwandimomwene, nee asaphedza aanju tayu, mbwenye asaphedza dzindza ya Abrahamu. 17Na tenepo, iye akhafunika kukhala ninga abale ace mu njira zonsene, toera akhale nyantsembe nkulu wa ntsisi na wakukhulupirika pa kutumikira Baba wathu, mbacosa madawo a anthu. 18Nakuti Iye ene abonera mu ndzidzi udayeserwa iye, iye asakwanisa kuphedza ale ali mu kuyeserwa.
