Pa Na Baom Thiamting Ding Bathan Thangne
Ani Pa na Ezekiel ding baket chung bi pi lon thouluga chwan pi thang rwe, tun natnu, mai tanaatnu khatle ngai nwam maknu chaat bing khou bathan thang rwe. Bani ding kachi makka chong rinro dinu maan khou rinluga, bani mai ding muga sung katop mako dinu rin thang rwe, atiga lio laa, lo sianu khatle riangre hiak thangnu, basung bapaan la hiak thangnu chongdip khat baket pi hung bachoi thang rwe.
Ani Pa na chongkhak hei bing bi kabia nge 1, 3–8
2 1Maanna ei khou rinne, “Misa Sa Kapaisa, naket chung bi lon thouro, atiga Eina nang le chong kabialune.” a a v1 Heiba “misa sa kapaisa” rinnuba “thi ngamnu misa” dinu makka khatchale rinnu make; heiya Ezekiel ding ringnu Rikrwang meithaan bi han ongnu nat maknu misa khat ding sipnuwe, haba nung bi Jisu na Bating lang louga kounu krwang meng ga make.
2Ani Pa chong kabianu kaan bi, ani Pa om Katha ei khou khutluga ei ding naket chung bi han tip pi thang rwe, atiga Maanna ei khou chong kabianu eina ngaisu rwe.
3Maanna ei khou rinne, “Misa Sa Kapaisa, Eina nang ding Israel mi nun, Ating maitwang damnu tun natnu chaat bing khou bathan thangne. Bani le bani pu pa rwan le aniya hei ni tangga Ating noh to rwe. 4Bani ga mai tanaatnu khatle sung natnu gaye. Eina nang ding bani khou bathan thangne, atiga nangna bani khou rinlune, ‘Pukraangba Pa na hadanga rinne.’ 5Banina ngaisu ngaakle, ngai nwam make ngaakle—balangbe bani ga tun natnu inkhun gaye—bani lak pi thiamting khat ong rwe dinu bani theilune. 6Atiga nang, Misa Sa Kapaisa, bani ding mak tabe bani om chong ding kachi mako, nang le kaling kung khatle kaling nun ong peida, atiga nang ri aih nun lak pi ringnu peida. Bani om chong ding kachi mako mak tabe bani mai ding muga sung katop mako, balangbe bani ga tun natnu inkhun gaye. 7Nangna Achong bing ding bani khou rin thang lang nge, banina ngaisu ngaakle, ngai nwam make ngaakle, balangbe bani ga tun natnu gaye. 8Atiyeda nang, Misa Sa Kapaisa, Eina nang khou rinnu ding ngaiyo. Haba tun natnu inkhun danga tun nat mako. Namun aang swakluga Eina nang lang pi thangnu ding saro.”
9Eina phaang koinu kaan bi, kut khat ei khou lat swakga ong ngaake, atiga haba kut bi chongdip khat amme. 10Maanna haga ei meithaan bi pha thang rwe; bakama le banung le bi chap kakounu, chunto lo sianu, khatle aih sianu hiak thang ngaake.