Atate Atuma Mneneri Wake
Atate wathu akuimiritsa Ezekieli ndi kumutuma, kwa anthu ofotokozedwa kuti ndi opanduka, ouma nkhope ndiponso amene mwina adzakana. Akuuzidwa kuti alankhule mosasamala kanthu ndi kuti asawaope, kenako akupatsidwa mpukutu wolembedwa mbali zonse ziwiri ndi maliro, kulira ndi tsoka.
2 1Anati kwa ine, “Mwana wa munthu, imirira pa mapazi ako, ndipo ndidzayankhula nawe.” a a v1 Apa mawu akuti “mwana wa munthu” amangotanthauza “munthu wofa” — akusonyeza Ezekieli monga munthu wofooka woyima pamaso pa Mulungu wamoyo, ndipo si dzina laufumu limene Yesu adzadzitcha Iye mwini pambuyo pake.
2Mzimu wa Atate wathu unandilowa pamene Atate wathu ankayankhula, nundiimiritsa pa mapazi anga, ndipo ndinamva Iye akundiyankhula.
3Anati kwa ine, “Mwana wa munthu, ndikukutuma iwe kwa anthu a Israeli, mitundu yowukira imene yandiwukira Ine. Iwo pamodzi ndi makolo awo andichimwira Ine mpaka lero lino. 4Iwo ndi anthu a nkhope zouma ndi mitima yolimba. Ndikukutuma iwe kwa iwo, ndipo udzawawuza kuti, ‘Izi ndi zimene akunena Atate Wolamulira.’ 5Kaya amvera kapena akana—pakuti ndi nyumba yowukira—adzadziwa kuti mneneri wakhala pakati pawo. 6Ndipo iwe, mwana wa munthu, usawaope iwo kapena mawu awo, ngakhale minga ndi mkandankhuku zili nawe ndipo umakhala pakati pa zinkhanira. Usaope mawu awo kapena kuchita mantha ndi nkhope zawo, pakuti ndi nyumba yowukira. 7Uyenera kuyankhula mawu anga kwa iwo, kaya amvera kapena akana, pakuti ndi owukira. 8Koma iwe, mwana wa munthu, mvera zimene ndikuyankhula kwa iwe. Usawukire ngati nyumba yowukira ija. Tsegula pakamwa pako ndipo udye zimene ndikupatsa iwe.”
9Ndinayang'ana, ndipo panali dzanja litatambasulira kwa ine, ndipo m'kati mwake munali mpukutu wa buku. 10Anawutambasula pamaso panga; kutsogolo ndi kumbuyo kunalembedwa madandaulo, maliro, ndi tsoka.
