Mosa hoba Samueltham
Mosa hoba Samueltham ho mütshuong asepeitha, dogo seneibü Bouei lauda. Jeremia kho phanga thikkei, haoeibü bukbü chalou shedsikhau kuan, hoba haoeibü Bou dei dakbü shumang che la yeikei lo dogo phekei. Jongaibü kho hibü ki: ngaiashi, maibütham lenshi, kheijinei kaangbütham laang che la yeilabü.
15 1Hobaje Bouei kü to laukei, “Mosa hoba Samueltham kü thedanga loalonga, ngeibü maang ho mütshuong to asepeilabü. Kü yobü ka haoen hautishi; haoen haushi.” 2Ladang haoenei no to phelaje, “Künei laeto haulabü?” kheijinei haoen to lenashi, “Bouei hai lauda: haibü shanga kibü shuong haibü to haukho; inei haibü shanga kibü shuong inei to haukho; mühsinou shanga kibü shuong mühsinou to haukho; phangkabou shanga kibü shuong phangkabou to haukho.”
3“Ngei haoen khulimbo shemtibou den saongao pienlabü, dogo Bouei lauda: haitila in, atan loula kei, hoba shaula hoba mautila mühkabü au hoba kaodak kabü meisiau. 4Jihuda Choba Hezekiaeibü shou Manasse laüa, hoba haoei Jerusalema kümbü laüa, ngei haoen kaodak sangle pendou thedanga konga jimbü yeitilabü.”
5“O Jerusalem, aoei no to onoulabü? Aoei no shanga manghaaplabü? Aoei no ai tegü ki dogo phela tükde loulabü? 6Nyi ngo asungletkei, dogo Bouei lauda; nyi taakphaito sepeida. Khoei ngei no khulimbo kü ik shingkei hoba no mautikei— onou lentibü lela ngo semthetkei. 7Ngei kaodak bakhüna wansouei haoen wankei. Ngei haoen youyikei kongkei; ngei kü mütshuong mautikei, aishanga haoen jembü lam ka asepei. a a v7 Wanbü: langle lembou cheei maisho mühae to thangkei, khünei muhibüei jim akibü sho shianlangkei, hoba youshou ong latkei. 8Haoeneibü latnyu shuong yungnyu phetsen tokei juongbou yeikei. Heshou shuongeibü nyu shuong khulimbo ngei chajiha shemtibou che sungbakei; mangde ngei khonku hoba nakthüh sao thükto loutikei. 9Nyet bukbü saoei hau akibü la yeikei; sao thonbü hak hinan apbei. Chalou lele kijinei saoeibü chanyu nepbei; sao himouko hoba the alenenko kikei. Hoba haoeneibü lubü shuong jembü dangbou thedanga ngei inei to kulabü, dogo Bouei lauda.”
Jeremia Khonkua Ngekda
10Ngo shanga ügütü, O kü nyu, nyi ngo bukkei—kaodak pendou yoa oyophetyobü müt! Ngei ai alentikei, ayingsi müt ka ai alotkukei, khei yingasikei müt pendouei ngo to khükdauokda.
11Bouei laukei, “Ngei no maibü la khümenlabü; khonku hoba thushed chaloua ngei dangbou no to sukujakula kümlabü.” 12Aoyouei nam, napheinei nam, hoba chinam leilula thüklabü lo? 13Kaibü leilang pendoua kaibü shabü shon pendou laüa, kaibü yaangbü hoba kaibü nyaksinam ngei munam aki makshaibü la kulabü. 14No angebü kaodak che ka ngei no kaibü dangbou shuong khangentilabü, aishanga ngeibü khau ka sho jikkei; kho no khulimbo jiklabü.
15Nyi ngeakei, O kü Bou; ngo maangshi hoba ngo pangteiashi, hoba ngo shieikoebü shuong to ngo shanga matjem kushi. Ngo yoa natenshi, hoba ngo alejan; nyi laüa ngei himou künda dogo ngeashi. 16Kaibü ngüh shuong hapkei, hoba ngei kho shaukei, hoba kaibü ngüh shuong ngeibü olinbü hoba ngeibü maangpon olinbü yeikei, aishanga ngei kaibü nyen künda, O khuthük lakjaibü dan Bou. 17Ngo olinbü kümbü shuong tan yoa aset, ayingsi ngo aolin; kaibü ik laüa ngo mütpemei setkei, aishanga nyi ngo khauei shentikei. 18Aila ngeibü onat athonbü ki hoba ngeibü mou mai athükbü, maibü to amangsüh? Nyi kü shanga khüpetbü shushou tegü, apan apbü dei tegü yeilabü lo?
19Kheijinei Bouei hai lauda: Nyi sepeinyu longalonga, ngei no kü thedanga lola sungngaikulabü. Nyi jim akibü ayingko namsek laang leiyenalonga, nyi kü sembung kilabü. Haoen no to sepeilabü, lausikei nyi haoen to asepeijan. 20Ngei no ho mütshuong khulimbo chinam kümthang kailepbü che yeitikulabü; haoenei no khulimbo wapyolabü lausikei no thük ahaplabü, aishanga no khümenla hoba no senetla shanga ngo no yoa kilabü, dogo Bouei lauda. 21“Ngei amaibü shuong ik ka no senetlabü hoba sanou akakbü shuong ikmang ka no püetlabü.”
