Nna Anyị Zara Arịrịọ Zedekaya
Eze Zedekaya zipụrụ ndị ozi na-atụ anya ọrụ ebube megide Babilọn. Azịza ya bụ ihe na-abụghị nke ahụ ma ọlị — Nna anyị ga-ebuso obodo nke ya agha. E debere ụzọ abụọ nʼihu ndị mmadụ: nwụọ nʼime mgbidi, maọbụ nyefee onwe gị ma dị ndụ. Ụlọ eze aghaghị ikpe ikpe ziri ezi.
21 1Okwu nke rutere Jeremaya aka site nʼaka Nna anyị mgbe eze Zedekaya zigaara ya Pashua nwa Malkaya na Zefanaya onye nchụaja, nwa Maaseya: 2“Biko jụọrọ anyị Nna anyị ihe, ebe ọ bụ na Nebukadneza eze Babilọn na-ebuso anyị agha. Ma eleghị anya Nna anyị ga-emeso anyị mmeso dịka ọrụ ebube ya niile si dị, ka onye iro wee si nʼebe anyị nọ pụọ.”
3Mgbe ahụ Jeremaya sịrị ha, “Gwanụ Zedekaya ihe a:
4Ihe ndị a bụ ihe Nna Izrel na-ekwu: “Lee, ana m aga ịtụgharị ngwa agha dị unu nʼaka, nke unu ji ebuso eze Babilọn na ndị Babilọn agha, bụ ndị gbara unu gburugburu nʼazụ mgbidi, ma chịkọta ha nʼetiti obodo a. 5Mụ onwe m ga-eji aka e setịpụrụ esetịpụ na ogwe aka dị ike buso unu agha, nʼiwe, na ọnụma, na oke iwe. 6Aga m etigbu ndị bi nʼobodo a, mmadụ na anụmanụ; ha ga-anwụ nʼoke ọrịa na-efe efe. 7Emesịa, ka Nna anyị kwupụtara, aga m enyefe Zedekaya eze Juda, na ndị ohu ya, na ndị nọ nʼobodo a bụ ndị lanarịrị ọrịa ahụ, na mma agha, na ụnwụ, nʼaka Nebukadneza eze Babilọn, bụ ndị iro ha na-achọ ndụ ha. Ọ ga-eji mma agha tigbuo ha; ọ gaghị emere ha ebere, ọ gaghị ahapụ ha, ọ gaghị enwekwa ọmịiko.”
8Gwa ndị a ihe Nna anyị na-ekwu: Lee, edoola m nʼihu unu ụzọ ndụ na ụzọ ọnwụ. 9Onye ọbụla nọrọ nʼobodo a ga-anwụ site na mma agha, na ụnwụ, na ọrịa na-efe efe; ma onye ọbụla pụrụ gaa nyefee onwe ya nʼaka ndị Babilọn gbara obodo gburugburu ga-adị ndụ, ọ ga-azọpụtakwa ndụ ya dịka ihe a kwatara nʼagha. 10Echeela m iru m megide obodo a ime ya ihe ọjọọ, ọ bụghị ihe ọma, ka Nna anyị kwupụtara. A ga-enyefe ya nʼaka eze Babilọn, onye ga-eji ọkụ rechapụ ya.
Okwu Nna Anyị nye Ụlọ Devid
11Sị ụlọ eze Juda: Geenụ ntị nʼokwu Nna anyị.
12Unu ụlọ Devid, Nna anyị na-ekwu, sị: Na-ekpenụ ikpe ziri ezi ụtụtụ niile, napụtanụ onye a napụrụ ihe nʼaka onye na-emegbu ya, ma ọ bụghị ya, iwe m ga-erepụ dịka ọkụ, ọ ga-ereta ebe ọ dịghị onye ga-emenyụ ya, nʼihi ajọ omume unu. 13Lee, mụ onwe m na-emegide gị, gị onye bi nʼelu ndagwurugwu ahụ, gị oke nkume nke ala dị larịị, ka Nna anyị kwupụtara—gị onye na-asị, “Onye pụrụ ịgbadata ịlụso anyị ọgụ? Onye pụrụ ịbanye nʼebe obibi anyị?” a a v13 Jerusalem dị nʼelu ugwu dị elu nke karịrị ndagwurugwu gbara ya gburugburu, nke nyere ndị bi nʼime ya ntụkwasị obi ụgha na a pụghị ibuso obodo ahụ agha mgbe ọbụla. 14Aga m ata unu ahụhụ dịka omume unu si kwesi, ka Nna anyị kwupụtara. Aga m amụnye ọkụ nʼoke ọhịa ya, ọ ga-erepịakwa ihe niile gbara ya gburugburu.”
