Isaias 12

12 ¹Ug nianang adlawa moingon ka: “Dayegon ko ikaw, akong Amahan, kay bisan nasuko ka kanako, ang imong kasuko mihunong na, ug gihupay mo ako. ²Tan-awa, ang atong Amahan mao ang akong kaluwasan; mosalig ako ug dili mahadlok, kay ang akong Amahan mao ang akong kusog ug ang akong awit; nahimo siyang akong kaluwasan.” ³Uban sa kalipay magkalos kamo ug tubig gikan sa mga atabay sa kaluwasan. ⁴Ug nianang adlawa moingon ka: “Pasalamati ang atong Amahan, sangpita ang iyang ngalan, ipahibalo ang iyang mga buhat ngadto sa tanang katawhan, imantala nga ang iyang ngalan binayaw. ⁵Pag-awit kamo sa atong Amahan, kay nagbuhat siya ug mahimayaong mga butang; ipahibalo kini sa tibuok yuta. ⁶Singgit sa makusog ug pag-awit sa kalipay, ikaw nga molupyo sa Zion, kay ang Balaan sa Israel—ang atong Amahan—halangdon sa imong taliwala.”