U-Izaya 12

12 ¹Ngalolo suku uyakuthi: “Ngiyakudumisa wena, Baba wami, ngokuba nakuba wawuthukuthele kimi, intukuthelo yakho isidedile, ungiduduzile. ²Bheka, uBaba wethu uyinsindiso yami; ngiyakwethemba, ngingesabi, ngokuba uBaba wami ungamandla ami nehubo lami; usebe yinsindiso yami.” ³Ngenjabulo niyakukha amanzi emithonjeni yensindiso. ⁴Ngalolo suku niyakuthi: “Bongani uBaba wethu, nibize igama lakhe, memezelani izenzo zakhe ezizweni zonke, shumayelani ukuthi igama lakhe liphakeme. ⁵Hlabelelani kuBaba wethu, ngokuba wenze izinto ezidumisekayo; lokhu makwaziwe emhlabeni wonke. ⁶Memezani nihlabelele ngenjabulo, wena mhlali waseZiyoni, ngokuba oNgcwele ka-Israyeli—uBaba wethu—mkhulu phakathi kwakho.”