Nana Ili Ringphā Ngasakhaira
Bichar kasā thangkhameli sākakha laa kajem akha. Laa kasāna awui Avāli ning kharā kha̱ngāhaida kala ningngathāngthā rākahai vang eina ngahāngmida ngāthāna, kala a shitsanga, maki̱mara hānga. Ningrāngda tara̱ khuishoka, kala Israelwui Katharapā kha̱ngāda lei vang eina Zionna laa sāa.
12 1Kala chithang nana hāngra: "Ina nali sochikatra, iwui Avā, kaja nana ili malungvāthailala, nawui malungkhavāt suitāhaira, kala nana ili ninglum ngasakhaira. 2Yanglu, ithumwui Avā iwui huikhamena; Ina shitsangra kala I mangacheemara, kaja iwui Avā iwui pangshapna, kala iwui laana; ana iwui huikhame ngasāhaira." 3Mathānda nathumna huikhamiwui ra̱khongbing eina tara̱ tāra. 4Kala chithang nana hāngra: "Ithumwui Avāli ningkashi milu, amingli ngakaolu, awui otsak mi saikorali theingasaklu, awui aming khāngchikata kaji phongmilu. 5Ithumwui Avāli laa sālu, kaja ana tekhamatei kahai ot sāmihaira; hi okathui hupta theingasakranu. 6Pangda vaolu kala mathānda laa sālu, O Zionwui mibing, kaja Israelwui Katharapā, ithumwui Avā chi, nawui ngachaili reikhamataiyana."
