ኣፀናኒዕካኒ ኢኻ
ድሕሪ ፍርዲ ንዘላ መዓልቲ ሓፃር መዝሙር። እቲ ዘማሪ ነቲ ዝተመለሰ ቍጥዓን ነቲ ዝመፀ ምፅንናዕን ብግልፂ ነቦኡ የመስግን፥ ክኣምን ከም ዝኾነ ኣይፈርሕን ድማ ይብል። ብሓጐስ ማይ ይቕዳሕ፥ ፅዮን ከዓ እቲ ቅዱስ ቀረባ ስለ ዝኾነ ትዝምር።
ምዕራፍ 12።
12 1በታ መዓልቲ እቲኣ ድማ ከምዙይ ክትብል ኢኻ፦ “ኦ ኣቦይ፥ ኣባይ ተቘጢዕኻ እኳ እንተ ነበርካ፥ ቍጥዓኻ ተመሊሱ ኣፀናኒዕካኒ ኢኻ እሞ፥ አመስግነካ። 2እንሆ፥ ኣቦና ምድሓነይ እዩ፤ ክኣምን እየ፥ ኣይፈርሕን ድማ፤ ኣቦይ ሓይለይን ዝማሬይን እዩ እሞ፥ ንሱ መድሓኒየይ ኮነለይ።” 3ብሓጐስ ካብ ዒላታት ምድሓን ማይ ክትቀድሑ ኢኹም። 4በታ መዓልቲ እቲኣ ድማ ከምዙይ ክትብሉ ኢኹም፦ “ንኣቦና ኣመስግንዎ፥ ስሙ ፅውዑ፥ ንዅሎም ህዝብታት ግብርታቱ ኣፍልጡ፥ ስሙ ልዕል ከም ዝበለ ኣውጁ። 5ንኣቦና ዘምሩ፥ ዝግረም ነገራት ገይሩ እዩ እሞ፤ እዙይ ኣብ ኵላ ምድሪ ይፈለጥ። 6ኣቲ ኣብ ፅዮን እትነብሪ፥ ዓው ኢልኪ ኣእውዪ፥ ዕልል ድማ በሊ፤ እቲ ናይ እስራኤል ቅዱስ ዝኾነ ኣቦና ኣብ ማእኸልኪ ዓብዪ እዩ እሞ።”
